മിനെപോളിസ്: ‘എനിക്ക് ശ്വാസം മുട്ടുന്നു’ വെളുത്ത വര്ഗക്കാരനായ പൊലീസുകാരന്റെ ക്രൂരതക്കിരയായി കൊല്ലപ്പെട്ട ജോര്ജ് ഫ്ലോയിഡിന്റെ അവസാന വാക്കുകള് മിനിയോപോളിസ് തെരുവുകളില് മുഴങ്ങുന്നു. രാവും പകലും മിനെപോളിസ് തെരുവുകള് ‘എനിക്ക് ശ്വാസം മുട്ടുന്നു’ മുദ്രാവാക്യങ്ങളോടെ പ്രക്ഷുബ്ധമായി. മിനെപോളിസ് പൊലീസ് സ്റ്റേഷന് പ്രതിഷേധക്കാര് അഗ്നിക്കിരയാക്കി. കൂടാതെ നിരവധി കടകളും പ്രതിഷേധാഗ്നിക്കിരയായി. അമേരിക്കയില് പതിറ്റാണ്ടുകളായി തുടരുന്ന കറുത്തവര്ഗക്കാര്ക്ക് നേരെയുള്ള അതിക്രമങ്ങള്ക്ക് താക്കീത് നല്കുന്ന രീതിയിലാണ് പ്രതിഷേധം.
അതേസമയം അക്രമികള്ക്കെതിരെ യു.എസ് പ്രസിഡന്റ് ഡോണള്ഡ് ട്രംപ് രംഗത്തെത്തി. തീവെപ്പും കൊള്ളയും നടത്തുവര് ആരായാലും അവര് അക്രമികളാണെന്നും പ്രതിഷേധക്കാരല്ലെന്നുമാണ് ട്രംപ് ട്വീറ്റ് ചെയ്തത്. അക്രമം നടത്തുന്നത് ജോര്ജ് ഫ്ലോയിഡിനോടുള്ള അനാദരവാണ്. ഇത് തുടരാന് അനുവദിക്കില്ല. അക്രമവും കൊള്ളയും നടന്നാല് സൈന്യത്തെ ഇറക്കണമെന്ന് മേയര് ടിം വാല്സിന് നിര്ദേശം നല്കുകയും ചെയ്തു -ട്രംപ് ട്വിറ്ററില് കുറിച്ചു. അതേസമയം ട്രംപിന്റെ ട്വീറ്റ് പ്രതിഷേധക്കാരെ മഹത്വവല്ക്കരിക്കുന്നതാണെന്ന് കാട്ടി ട്വിറ്റര് നീക്കം ചെയ്തു.
മറ്റൊരു ട്വീറ്റില് മിനെപോളിസ് മേയര്ക്കെതിരെ വിമര്ശനവുമായി രംഗത്തെത്തി. നേതൃത്വത്തിന്റെ കഴിവില്ലായ്മയാണ് മിനെപോളിസില് പ്രതിഷേധം പടരാന് കാരണമെന്ന് ട്രംപ് കുറ്റപ്പെടുത്തി. ഇടതുപക്ഷക്കാരനായ മേയര് ജേക്കബ് ഫെറി ദുര്ബലനായതുകൊണ്ടാണ് അക്രമികള് നഗരത്തില് അഴിഞ്ഞാടുന്നത്. മേയര്ക്ക് തന്റെ ജോലി ചെയ്യാന് കഴിയില്ലെങ്കില്, താന് ദേശീയ സേനയെ അയക്കുമെന്നും ട്രംപ് ട്വീറ്റ് ചെയ്തു.
തുടര്ച്ചയായ മൂന്നാമത്തെ ദിവസമാണ് ജോര്ജ് ഫ്ലോയിഡിെന്റ മരണത്തില് പ്രതിഷേധം കനക്കുന്നത്. തിങ്കളാഴ്ചയാണ് മിനെപോളിസ് സ്റ്റേഷനിലെ പൊലീസുകാരനായ ഡെറിക് ചൗലിന്, ജോര്ജ് േഫ്ലായിഡിനെ നടുറോഡില് കഴുത്തില് കാല്മുട്ട് അമര്ത്തി ഞെരിച്ചു കൊല്ലുന്നത്. സംഭവത്തില് നാല് പൊലീസുകാരെ പിരിച്ചുവിട്ടിരുന്നു. പൊലീസ് ആളുമാറി പിടിച്ച നിരായുധനായ ജോര്ജ് േഫ്ലായിഡിനെ കൊലപ്പെടുത്തുന്ന വിഡിയോ സമൂഹമാധ്യമങ്ങളില് വ്യാപകമായി പ്രചരിച്ചു.
പൊലിസ് പിടികൂടിയ ഫ്ലോയിഡിനെ കാറില്നിന്നിറക്കി കഴുത്തില് കാല്മുട്ട് ഊന്നിനിന്ന് ശ്വാസം മുട്ടിച്ച് കൊലപ്പെടുത്തുകയായിരുന്നു. വേദനയെടുക്കുന്നുവെന്നും ശ്വാസം മുട്ടുന്നുന്നെന്നും വെള്ളം വേണമെന്നും കരഞ്ഞപേക്ഷിച്ചിട്ടും അഞ്ചുമിനിട്ടോളം പൊലീസ് ഫ്ലോയിഡിെന്റ കഴുത്തില് കാല്മുട്ട് അമര്ത്തിനിന്നു. റസ്റ്ററന്റിലെ സെക്യൂരിറ്റി ജീവനക്കായിരുന്നു ഫ്ലോയിഡ്. കറുത്ത വര്ഗക്കാര്ക്ക് നേരെയുള്ള വെളുത്ത വര്ഗക്കാരുടെ അതിക്രമത്തിന്റെ അവസാന ഇര.
