കുവൈറ്റ് സിറ്റി: കുവൈറ്റില്‍ 1073 പേര്‍ക്ക് കൂടി കോവിഡ് സ്ഥിരീകരിച്ചു. ഇതോടെ രാജ്യത്ത് കോവിഡ് സ്ഥിരീകരിച്ചവരുടെ എണ്ണം 16,764 ആയി. മൂന്നുപേര്‍ കൂടി മരിച്ചതോടെ കോവിഡ് മരണം 121 ആയി.
ചൊവ്വാഴ്ച രേഖപ്പെടുത്തിയ കേസുകളില്‍ 332 ഇന്ത്യക്കാരും 231 സ്വദേശികളും 102 ബംഗ്ലാദേശികളും 181 ഈജിപ്തുകാരുമാണ്. 342 പേര്‍ രോഗമുക്തി നേടി. ഇതോടെ രോഗമുക്തി നേടിയവരുടെ ആകെ എണ്ണം 4681 ആയി. 11,962 പേരാണ് ചികിത്സയിലുള്ളത്. ഇതില്‍ 179 പേര്‍ തീവ്രപരിചരണ വിഭാഗത്തിലാണ്. 252,696 പേര്‍ നിരീക്ഷണത്തില്‍ കഴിയുന്നു. ഫര്‍വാനിയ ഗവര്‍ണറേറ്റ് 397, ഹവല്ലി ഗവര്‍ണറേറ്റ് 181, അഹ്മദി ഗവര്‍ണറേറ്റ് 268, ജഹ്റ ഗവര്‍ണറേറ്റ് 124, കാപിറ്റല്‍ ഗവര്‍ണറേറ്റ് 113 എന്നിങ്ങനെയാണ് പുതിയ കേസുകള്‍. റെസിഡന്‍ഷല്‍ ഏരിയ അടിസ്ഥാനമാക്കിയാല്‍ ജലീബ് അല്‍ ഷുയൂഖ് 77, ഫര്‍വാനിയ 131, ഹവല്ലി 55, ഖൈത്താന്‍ 76 എന്നിങ്ങനെ കേസുകള്‍ റിപ്പോര്‍ട്ട് ചെയ്യപ്പെട്ടു.
