വാഷിങ്ടൻ ഡിസി ∙ പോപ്പ് ഫ്രാൻസിസ് ഞായറാഴ്ച നാമനിർദേശം ചെയ്ത 13 കർദിനാളുമാരിൽ അമേരിക്കയിൽ നിന്നുള്ള ആദ്യ കറുത്ത വർഗക്കാരനായ ആർച്ച് ബിഷപ്പും ഉൾപ്പെടുന്നു. വാഷിങ്ടൻ ഡിസിയിലുള്ള ആർച്ച് ബിഷപ്പ് വിൽട്ടൺ ഗ്രിഗറിയെയാണ് (73) പോപ്പ് കർദിനാളുമാരുടെ പട്ടികയിൽ ഉൾപ്പെടുത്തിയിരിക്കുന്നത്.

13 കർദ്ദിനാളുമാരുടെയും സ്ഥാനാരോഹണം നവംബർ 28ന് വത്തിക്കാനിൽ നടക്കും. സെന്റ് പീറ്റേഴ്സ് സ്ക്വയറിലുള്ള സ്റ്റുഡിയോ വിൻഡോയിൽ വച്ചാണ് പോപ്പ് അപ്രതീക്ഷിതമായി പുതിയ 13 കർദിനാളുമാരുടെ പേരുകൾ പ്രഖ്യാപിച്ചത്.