നടന്‍ ഇര്‍ഫാന്റെ ഓര്‍മ്മയില്‍ ഭാര്യ സുതാപ സിക്ദറിന്റെ വികാരനിര്‍ഭരമായ കുറിപ്പ്. ഇന്‍ഫാന്‍ മരിച്ച്‌ ഒരു മാസം പിന്നിടുമ്ബോഴാണ് സുതാപ അദ്ദേഹത്തെ കണ്ടുമുട്ടുന്ന മറ്റൊരു ലോകത്തെക്കുറിച്ച്‌ സംസാരിക്കുന്നത്. അവര്‍ ഒരുമിച്ച്‌ ഇനിയും പങ്കിടാന്‍ പോകുന്ന നിമിഷങ്ങളെക്കുറിച്ചാണ് സുതാപ ഫേസ്ബുക്കില്‍ കുറിച്ചിരിക്കുന്നത്.
സുതാപയുടെ കുറിപ്പ്
” ശരിതെറ്റുകളെപ്പറ്റിയുള്ള ചിന്തകള്‍ക്കൊക്കെ അപ്പുറത്ത് ഒരു ലോകമുണ്ട്, അവിടെ വച്ച്‌ നമ്മള്‍ ഇനിയും കണ്ടുമുട്ടും. ആ പുല്‍മേട്ടില്‍ നമ്മുടെ ആത്മാക്കള്‍ തൊട്ടുതൊട്ടു കിടക്കുമ്ബോള്‍ ഈ ലോകത്തെക്കുറിച്ച്‌ നമുക്ക് പങ്കിടാന്‍ ഒരുപാട് വിശേഷങ്ങളുണ്ടാകും. ആ ദിവസത്തിന് ഇനി അധികനാളില്ല. നമുക്ക് കാണാം, ഒത്തിരിക്കാര്യങ്ങള്‍ തമ്മില്‍ പറഞ്ഞിരിക്കാം. വീണ്ടും കാണും വരെ.”എന്നാണ് സുതാപ ഫേസ്ബുക്കില്‍ കുറിച്ചിരിക്കുന്നത്.
സുതാപയ്ക്കും മക്കളായ ബബിലിനും അയാനുമൊപ്പം മുംബയില്‍ താമസിക്കുന്നതിനിടെ ഏപ്രില്‍ 29നാണ് ഇര്‍ഫാന്‍ ഖാന്‍ മരിക്കുന്നത്. ന്യൂറോഎന്‍റോക്രൈന്‍ ട്യൂമര്‍ ബാധിച്ച്‌ ചികിത്സയിലായിരുന്നു അദ്ദേഹം.നാഷണല്‍ സ്കൂള്‍ ഒഫ് ഡ്രാമയില്‍ ഇര്‍ഫാന്റെ സഹപാഠിയായിരുന്നു സുതാപ. ഫെബ്രുവരിയിലാണ് ഇരുവരും തങ്ങളുടെ 25ാം വിവാഹ വാര്‍ഷികം ആഘോഷിച്ചത്.
