തിരുവനന്തപുരം: പൊലീസ് ഉദ്യോഗസ്ഥരുടെ പരിശോധന ഫലം പുറത്തുവരുന്നത് വരെ ഹോം ക്വാറൈന്‍റനില്‍ തുടരുമെന്ന് നടന്‍ സുരാജ് വെഞ്ഞാറമൂട് ഫേസ്ബുക്കില്‍ കുറിച്ചു. വെഞ്ഞാറമൂട് സി.ഐ കസ്റ്റഡിയിലെടുത്ത അബ്കാരി കേസിലെ റിമാന്‍ഡ് പ്രതിക്ക് ഞായറാഴ്ച കോവിഡ് സ്ഥിരീകരിച്ചിരുന്നു. ഈ സി.ഐക്കൊപ്പം എം.എല്‍.എയും സുരാജും വേദി പങ്കിടുകയും ചെയ്തിരുന്നു. ഇതേതുടര്‍ന്നാണ് ഇരുവര്‍ക്കും ക്വാറന്‍റീനില്‍ കഴിയാന്‍ നിര്‍ദേശം നല്‍കിയത്. ചടങ്ങില്‍ സാമൂഹിക അകലം പാലിച്ചിരുന്നുവെങ്കിലും സുരക്ഷാര്‍ത്ഥം ആരോഗ്യ പ്രവര്‍ത്തകര്‍ നിരീക്ഷണത്തില്‍ പോകാന്‍ പറഞ്ഞത് ഉത്തരവാദിത്വത്തോടെ അനുസരിക്കുകയാണെന്ന് സുരാജ് പറഞ്ഞു.
ഫേസ്ബുക്ക് പോസ്റ്റിെന്‍റ പൂര്‍ണരൂപം:
കേരള സര്‍ക്കാറിെന്‍റ സുഭിക്ഷം പദ്ധതിയുടെ ഭാഗമായി വെഞ്ഞാറമൂടിലുള്ള എെന്‍റ പുരയിടം കൃഷി ചെയ്യാന്‍ ഞാന്‍ വെഞ്ഞാറമൂട് സര്‍വിസ് സഹകരണ ബാങ്കിന് വിട്ടുനല്‍കുകയും പദ്ധതിയുടെ ഉദ്ഘാടനം ഇക്കഴിഞ്ഞ 23ന് വാമനപുരം എം.എല്‍.എ ശ്രീ. ഡി.കെ. മുരളി നിര്‍വഹിക്കുകയും ഞാന്‍ ആ ചടങ്ങില്‍ അതിഥിയായി പങ്കെടുക്കുകയും ചെയ്തു. ആ ചടങ്ങില്‍ വെഞ്ഞാറമൂട് പൊലീസ് ഇന്‍സ്പെക്ടറും പങ്കെടുത്തിരുന്നു. എന്നാല്‍ അദ്ദേഹം തലേദിവസം അറസ്റ്റ് ചെയ്യുകയും സമ്ബര്‍ക്കത്തില്‍ ഏര്‍പ്പെടുകയും ചെയ്ത ഒരു പ്രതിക്ക് കോവിഡ് രോഗം സ്ഥിതീകരിച്ചിരിക്കുകയാണ്.
അതിനാല്‍ പൊലീസ് ഇന്‍സ്പെക്ടറും മറ്റു പൊലീസുകാരും ഇപ്പോള്‍ ഹോം ക്വാറൈന്‍റനില്‍ ആണ്. ആ ഉദ്ഘാടനച്ചടങ്ങില്‍ ഞാനും മറ്റുളളവരും സാമൂഹിക അകലം പാലിച്ചിരുന്നു. മാസ്കും ധരിച്ചിരുന്നു. എങ്കിലും സുരക്ഷാര്‍ത്ഥം നിരീക്ഷണത്തില്‍ പോകണമെന്ന് ആരോഗ്യ പ്രവര്‍ത്തകര്‍ എന്നോട് ആവശ്യപ്പെട്ടിരിക്കുകയാണ്.
പൊലീസ് ഉദ്യോഗസ്ഥരുടെ പരിശോധന ഫലം പുറത്ത് വരുന്നത് വരെ ജാഗ്രത അത്യാവശ്യമായതിനാല്‍ ഞാന്‍ ഹോം ക്വാറന്‍റയിനില്‍ തുടരുന്നതാണ്. കോവിഡ് പ്രതിരോധത്തില്‍ കേരളം ലോകത്തിന് മാതൃക ആയത് മാനസികമായ അടുപ്പം സൂക്ഷിച്ചുകൊണ്ട് തന്നെ പുലര്‍ത്തിയ സാമൂഹിക അകലം കൊണ്ട് ആണ്. അത് ഞാനും ഉത്തരവാദിത്വത്തോടെ അനുസരിക്കുന്നു. ആരോഗ്യ പ്രവര്‍ത്തകര്‍ കാട്ടുന്ന ജാഗ്രതയും കരുതലും അഭിനന്ദനങ്ങള്‍ അര്‍ഹിക്കുന്നു. എത്രയും പെട്ടെന്ന് നേരില്‍ കാണാമെന്ന വിശ്വാസത്തോടെ,
നിങ്ങളുടെ..
സുരാജ് വെഞ്ഞാറമൂട്
