കാസര്‍ഗോഡ്: അന്യ സംസ്ഥാനങ്ങളില്‍ നിന്ന് കേരളത്തിലേക്ക് വരുന്നവരെ പരിശോധിക്കാന്‍ കാസര്‍ഗോഡ് അതിര്‍ത്തി പ്രദേശമായ തലപ്പാടിയില്‍ തിങ്കളാഴ്ച മുതല്‍ ഹെല്‍പ് ഡെസ്ക്കുകള്‍ പ്രവര്‍ത്തിക്കും. നാളെ രാവിലെ എട്ടു മുതല്‍ തലപ്പാടി ചെക്ക് പോസ്റ്റുകളില്‍ 100 ഹെല്‍പ് ഡെസ്‌ക്കുകളാണ് പ്രവര്‍ത്തിക്കുക. കാസര്‍ഗോഡ് ജില്ലാ കളക്ടര്‍ ഡി. സജിത് ബാബുവാണ് ഇക്കാര്യം വ്യക്തമാക്കിയത്.
തലപ്പാടിയില്‍ എത്തുന്നവരുടെ വിവരങ്ങള്‍, ആരോഗ്യ സ്ഥിതി എന്നിവ പരിശോധിക്കുന്നതിനായി വിപുലമായ സംവിധാനങ്ങളാണ് ജില്ലാ ഭരണകൂടം ഒരുക്കിയിട്ടുള്ളത്.
