മുതിർന്ന കോൺഗ്രസ് നേതാവ് അഹമ്മദ് പട്ടേലിന് കൊവിഡ് സ്ഥിരീകരിച്ചു. കൊവിഡ് സ്ഥിരീകരിച്ച വിവരം അഹമ്മദ് പട്ടേൽ തന്നെയാണ് ട്വിറ്ററിലൂടെ അറിയിച്ചത്.
ഇന്ന് നടത്തിയ പരിശോധനയിലാണ് അഹമ്മദ് പട്ടേലിന് കൊവിഡ് സ്ഥിരീകരിച്ചത്. താനുമായി അടുത്ത് സമ്പർക്കം പുലർത്തിയവർ നിരീക്ഷണത്തിൽ പോകണമെന്ന് അഹമ്മദ് പട്ടേൽ ആവശ്യപ്പെട്ടു.
കോൺഗ്രസ് നേതാക്കളായ അഭിഷേക് സിംഗ്‌വി, ഡി. കെ ശിവകുമാർ, സിദ്ധരാമയ്യ, ദീപേന്ദർ ഹൂഡ എന്നിവർക്ക് കൊവിഡ് സ്ഥിരീകരിച്ചിരുന്നു.
