ഹൈദരാബാദ്: എയര്‍ഇന്ത്യയുടെ പ്രത്യേക വിമാനം ജിദ്ദയില്‍ കുടുങ്ങിയ പ്രവാസികളുമായി മേയ് 20ന് ഹൈദരാബാദ്, വിജയവാഡ എന്നീ സ്ഥലങ്ങളിലേക്ക് പ്രത്യേക സര്‍വീസ് നടത്തും.
ജിദ്ദയില്‍ നിന്നും ആദ്യം വിജയവാഡയിലേക്കും അവിടെ യാത്രക്കാരെ ഇറക്കിയതിനു ശേഷം ഹൈദരാബാദിലേക്കുമായിരിക്കും സര്‍വീസ് നടത്തുക.
320 നിയോ എയര്‍ക്രാഫ്റ്റ് വിമാനമാണ് സര്‍വീസ് നടത്തുക. ഈ വിമാനത്തില്‍ 149 യാത്രക്കാരെ ഉള്‍ക്കൊള്ളും.
ഇന്ത്യന്‍ എംബസിയില്‍ രജിസ്റ്റര്‍ ചെയ്തവരില്‍ മുന്‍ഗണനയനുസരിച്ചായിരിക്കും യാത്രക്കാരെ തിരഞ്ഞെടുക്കുക.
