ലിമെറിക്ക്: ലിമെറിക്ക് സെന്‍റ് മേരീസ് സീറോ മലബാർസഭയുടെ ആഭിമുഖ്യത്തിൽ നടക്കുന്ന ലിമെറിക്ക് ബൈബിൾ കണ്‍വൻഷൻ ഓഗസ്റ്റ് 25ന് ആരംഭിക്കും.
ഓഗസ്റ്റ് 25, 26, 27 (വ്യാഴം, വെള്ളി, ശനി) തീയതികളിൽ ലിമെറിക്ക്, പാട്രിക്സ്വെൽ, റേസ്കോഴ്സ് ഓഡിറ്റോറിയത്തിൽ വച്ചാണ് കണ്‍വൻഷൻ നടക്കുന്നത്. പ്രശസ്ത വചനപ്രഘോഷകനും വാഗ്മിയുമായ ഫാ. ഡാനിയേൽ പൂവണ്ണത്തിലാണ് ഈ വർഷത്തെ കണ്‍വൻഷൻ നയിക്കുന്നത്.
മൂന്ന് ദിവസങ്ങളിലും രാവിലെ 9 മുതൽ വൈകുന്നേരം 5 വരെയാണ് കണ്‍വൻഷന്‍റെ സമയം. കുട്ടികൾക്കുള്ള ധ്യാനം, സ്പിരിച്ച്വൽ ഷെറിംഗ് എന്നിവയും കണ്‍വൻഷന്‍റെ ഭാഗമായി ഉണ്ടായിരിക്കും. ധ്യാന ദിവസങ്ങളിൽ രാവിലേയും വൈകിട്ടും മുൻകൂട്ടി ബുക്ക് ചെയ്ത് ഭക്ഷണം വാങ്ങാൻ സൗകര്യം ഉണ്ടായിരിക്കുന്നതാണ് .
കണ്‍വൻഷന്‍റെ വിജയത്തിനായി ഏവരുടെയും പ്രാർഥനാ സഹായം ആവശ്യപ്പെടുന്നതായി സീറോ മലബാർ സഭ ലിമെറിക്ക് ചാപ്ലയിൻ ഫാ. റോബിൻ തോമസ് അറിയിച്ചു.
കൂടുതൽ വിവരങ്ങൾക്ക് :
ഫാ. റോബിൻ തോമസ് : 0894333124
സിബി ജോണി (കൈക്കാരൻ): 087141 8392
അനിൽ ആന്‍റണി (കൈക്കാരൻ) : 0876924225
