കുവൈറ്റ് സിറ്റി: വടക്കന്‍ അറേബ്യന്‍ രാജ്യങ്ങളിലെ അപ്പസ്‌തോലിക അഡ്മിനിസ്‌ട്രേറ്ററായി ബിഷപ് ഡോ. പോള്‍ ഹിന്‍ഡറെ വത്തിക്കാന്‍ നിയമിച്ചു. സ്വിറ്റ്‌സര്‍ലന്‍ഡില്‍ നിന്നുള്ള കപ്പൂച്ചിന്‍ സഭാംഗമായ ബിഷപ് ഹിന്‍ഡര്‍ നിലവില്‍ ദക്ഷിണ അറേബ്യയുടെ അപ്പസ്‌തോലിക് വികാര്‍ ആയി അബുദാബി കേന്ദ്രമായി പ്രവര്‍ത്തിച്ചു വരികയാണ്.
യുഎഇ, ഒമാന്‍, കുവൈറ്റ്, ബഹറിന്‍, സൗദി അറേബ്യ, യെമന്‍ തുടങ്ങിയ രാജ്യങ്ങളിലെ റോമന്‍ കത്തോലിക്കാ വിശ്വാസികളുടെ ചുമതല ഇനി ബിഷപ് ഹിന്‍ഡര്‍ക്കായിരിക്കും.
