ഭരണഘടനാവിരുദ്ധ “ഫൊക്കാന തിരഞ്ഞെടുപിനു” നിയമസാധുതയില്ല: മാധവൻ നായർ

ഡാളസ് :ഭരണഘടനാ വിരുദ്ധമായി ,യാതൊരു തത്വദീക്ഷയുമില്ലാതെ ഫൊക്കാനയുടെ ചില അംഗങ്ങൾ  നടത്തിയെന്ന് പറയപ്പെടുന്ന  തിരഞ്ഞെടുപിനു നിയമസാധുതയില്ലായെന്നും  ഈ   പ്രഹസനത്തിന്   ഓർഗനൈസേഷണൽ ടെറോറിസമെന്നല്ലാതെ വേറൊരു നിർവചനവും നൽകാനാവില്ലെന്ന് ഫൊക്കാന പ്രസിഡന്റ് മാധവൻനായർ .

ഇന്ത്യ പ്രസ്ക്ലബ് ഓഫ്  നോർത്ത് അമേരിക്കയുടെ നെത്ര്വതത്തിൽ ആഗസ്റ് 7 നു വിളിച്ചുചേർത്ത ഫൊക്കാന നേതാക്കളുടെ വെർച്യുൽ പ്രസ്‌ മീറ്റിൽ  പങ്കെടുത്തു സംസാരിക്കുകയായിരുന്നു ഫൊക്കാന പ്രസിഡന്റ് മാധവൻ നായർ .  തെറ്റു തിരുത്തുന്നതിന് ഇനിയും അവർക്കു അവസരമുണ്ടെന്നും അദ്ദേഹം പറഞ്ഞു .പ്രസിഡന്റും അദ്ദേഹത്തിന്  പിന്തുണാ നല്കുന്ന ടോമി കൊക്കോട്ടു ,വിനോദ് കെയാർകെ ,ജോയ് ചാക്കപ്പൻ ,അബ്രഹാം ഈപ്പൻ ,ഡോ രഞ്ജിത് പിള്ള തുടങ്ങിയവർ സ്വീകരിച്ച അനുകൂല    സമീപനം ഇരു വിഭാഗങ്ങളും തമ്മിൽ  ഐക്യത്തിനുള്ള സാധ്യതകൾ വർധിപ്പിച്ചതായി പ്രസ്ക്ലബ് പ്രസിഡന്റ് ഡോ ജോർജ് കാക്കനാട് അറിയിച്ചു .