മുംബൈ : കോവിഡ് പ്രതിസന്ധിക്കിടെയും മഹാരാഷ്ട്രയില് നിയമസഭാ കൗണ്സില് തെരഞ്ഞെടുപ്പ് തീയതി പ്രഖ്യാപിച്ചു. മെയ് നാലിന് തെരഞ്ഞെടുപ്പിനുള്ള വിജ്ഞാപനം പുറത്തിറങ്ങും. നാമനിര്ദേശ പത്രികകള് മെയ് 11 വരെ സമര്പ്പിക്കാം.. മെയ് 12-നാണ് നാമനിര്ദേശ പത്രികയുടെ സൂക്ഷമപരിശോധന നടത്തുക. മെയ് 14 വരെ നാമനിര്ദേശ പത്രികകള് പിന്വലിക്കാന് സാധിക്കും. മെയ്-21 ന് രാവിലെ ഒന്പത് മുതല് വൈകിട്ട് നാല് മണി വരെ വോട്ടെടുപ്പ്. വൈകിട്ട് അഞ്ച് മണിക്ക് വോട്ടെണ്ണല്.
മഹാരാഷ്ട്ര ലെജിസ്ലേറ്റീവ കൗണ്സില്, മഹാരാഷ്ട്ര വിധാന് സഭ എന്ന പേരിലാണ് അറിയപ്പെടുന്നത്. 78 അംഗ സംഭയില് 66 പേര് തെരഞ്ഞെടുപ്പിലൂടേയും ബാക്കിയുള്ളവര് സര്ക്കാര് താത്പര്യപ്രകാരം ഗവര്ണറുടെ നോമിനേഷന് പ്രകാരവുമാണ് അംഗത്വം നേടുക. ആറ് വര്ഷമാണ് അംഗത്വ കാലാവധി.