കൊച്ചി: ഇന്ത്യയിയെ ഏറ്റവും വലിയ വ്യവസായിയും, ടാറ്റാ സൺസ് ചെയർമാൻ ആയ രത്തൻ ടാറ്റ ഇന്നലെയാണ് വിടപറഞ്ഞത്. രക്തസമ്മർദം കുറഞ്ഞ് അവശനായ അദ്ദേഹത്തെ കഴിഞ്ഞ ദിവസം ആണ് ആശുപത്രിയിൽ പ്രവേശിപ്പിച്ചത്. മുംബൈയിലെ ബ്രീച്ച് കാൻഡി ആശുപത്രിയിൽ വെച്ചാണ് അന്ത്യം സംഭവിച്ചത്. രത്തൻ ടാറ്റയെ ഇന്‍സ്റ്റാഗ്രാമില്‍ ഒരു കോടി ആളുകളാണ് പിന്തുടരുന്നത്. ഇന്ത്യയിലും വിദേശത്തും ആയി നിരവധി പേർ രത്തൻ ടാറ്റയുടെ ഫാൻസാണ്. എന്നാൽ രത്തന്‍ ടാറ്റ ഇന്‍സ്റ്റാഗ്രാമില്‍ രണ്ട് അക്കൗണ്ടുകള്‍ മാത്രമാണ് ഫോളോ ചെയ്യുന്നത്.
ആ രണ്ട് അകൗണ്ടുകൾ സെലിബ്രിറ്റികളോ ബിസിനസ് ലോകത്തെ പ്രമുഖരോ അല്ല എന്നുള്ളതാണ് സത്യം. ടാറ്റ ട്രസ്റ്റിന്റെ ഇന്‍സ്റ്റ അക്കൗണ്ട് ആണ് ഫോളോ ചെയ്യുന്ന ഒരു അകൗണ്ട്. ഇത് ടാറ്റ ഗ്രൂപ്പിന്റെ ജീവകാരുണ്യ വിഭാഗമായ ടാറ്റ ട്രസ്റ്റിന്റെ ഹാന്‍ഡിലാണ്. രണ്ടാമത്തെത്തായി ഫോളോ ചെയ്യുന്നത് സ്‌മോള്‍ അനിമല്‍ ഹോസ്പിറ്റല്‍ sahmumbai എന്ന അക്കൗണ്ടിനേയാണ്. ഇതും ടാറ്റയുടെ കീഴിലുള്ളതാണ്. രത്തൻ ഒരു മൃഗസ്നേഹിയായിരുന്നു. ബിസിനസിൽ നിന്നും ഇപ്പോൾ വിട്ടുനിൽക്കുകയാണ് രത്തൻ ടാറ്റ. എന്നാൽ ജീവകാരുണ്യ വിഭാഗത്തില്‍ ശക്തമായി ഇടപെടുന്നുണ്ട്. 130 വര്‍ഷങ്ങള്‍ക്ക് മുമ്പ് അതായത് 1892ൽ ആണ് ടാറ്റ ട്രസ്റ്റ് ആരംഭിക്കുന്നത്.
മറ്റു ബിസിനസുകാരിൽ നിന്നും വിത്യസ്ഥമായിരുന്നു രത്തൻ ടാറ്റയുടെ രീതി. ജീവകാരുണ്യ പ്രവർത്തനങ്ങൾക്കായി വലിയൊരു തുക അദ്ദേഹം മാറ്റിവെച്ചിരുന്നു. ഉന്നതവിദ്യാഭ്യാസവും ഗവേഷണവും പ്രോത്സാഹിപ്പിക്കുന്നതിനും സഹായം നൽകിയിരുന്നു. ഇൻസ്റ്റഗ്രാം ഫോളോവേഴ്സ് പോലെ തന്നെ രത്തൻ ടാറ്റ അവസാനമായി സോഷ്യൽ മീഡിയയിൽ പങ്കുവെച്ച കുറിപ്പ് വലിയ ശ്രദ്ധനേടുന്നുണ്ട്. മരിക്കുന്നതിന് രണ്ടുദിവസം മുമ്പാണ് അദ്ദേഹം കുറിപ്പ് പങ്കുവെച്ചത്. ‘എന്നെക്കുറിച്ച് ചിന്തിച്ചതിന് നന്ദി’ എന്ന തലക്കെട്ട് നൽകിയാണ് ടാറ്റ കുറിപ്പ് പങ്കുവെച്ചിരിക്കുന്നത്.
ടാറ്റയുടെ ആരോഗ്യസ്ഥിതിയെകുറിച്ച് വലിയ രീതിയിലുള്ള ആശങ്കകൾ പ്രചരിച്ചിരുന്നു. ഇതിന് പിന്നാലെയാണ് ടാറ്റാ പോസ്റ്റ് സോഷ്യൽ മീഡിയയിൽ പങ്കുവെച്ചത്. തൻ്റെ ആരോഗ്യത്തെക്കുറിച്ച് പ്രചരിക്കുന്നതെല്ലാം താൻ അറിഞ്ഞുവെന്നും ഇവയെല്ലാം അടിസ്ഥാനരഹിതമാണെന്നും ടാറ്റ കുറിച്ചിരുന്നു. എന്നാൽ അത് കഴിഞ്ഞ് രണ്ട് ദിവസത്തിന് ശേഷം അദ്ദേഹം മരിക്കുകയും ചെയ്തു.
1937 ഡിസംബർ 28-നാണ് രത്തന്റെ ജനനം. രത്നം എന്നാണ്‌ ഇദ്ദേഹത്തിന്റെ പേരിന്റെ അർഥം വരുന്നത്. 21 വർഷം ടാറ്റ ഗ്രൂപ്പിന്റെ ചെയർമാനായിരുന്നു അദ്ദേഹം.
