മലയാളികളുടെ പ്രിയങ്കരിയായ ഗായിക എന്നതിലുപരി, നടിയും അവതാരകയും എന്നുവേണ്ട റിമി കൈവയ്ക്കാത്ത മേഖലകൾ ചുരുക്കമാണ്. അവതരണത്തിൽ പേളി മാണിയെ വെല്ലാൻ മറ്റൊരാൾ ഉണ്ടാകുമോ എന്നുള്ള സംശയം ചിലരുടെ എങ്കിലും മനസ്സിൽ നിൽക്കുമ്പോൾ ആണ് റിമിയുടെ അവതരണം കൊണ്ട് ഒരിക്കൽ മമ്മുക്ക പോലും സ്റ്റേജിൽ പൊട്ടിച്ചിരിച്ചു പോയത്.
റിമി പാട്ടുപാടാൻ വേദിയിൽ എത്തിയാൽ പോലും നിറഞ്ഞ കൈയ്യടിയോടെയാണ് പ്രേക്ഷകർ സ്വീകരിക്കുന്നത്. കാരണം ആ വേദിയെ എങ്ങനെ തന്നിലേക്ക് എത്തിക്കണം എന്ന് കൃത്യമായ ഒരു പ്ലാൻ റിമിക്ക് ഉണ്ട്. വലിയ പ്രഗത്ഭമതികൾ വേദിയിൽ ഉണ്ടെങ്കിലും പ്രേക്ഷകർക്ക് റിമിയുടെ സംസാരം കേൾക്കുമ്പോൾ ആണ് സന്തോഷം തോന്നുന്നത് എന്ന് പറഞ്ഞാൽ തെറ്റില്ല.
റിമി ടോമി ശരിക്കും ഒരു പ്രചോദനമാണ്. ചിരിയ്ക്കുന്ന റിമിയുടെ മുഖം നല്‍കുന്ന പോസിറ്റീവിറ്റി ഒന്ന് വേറെ തന്നെയാണ് എന്ന് ആരാധകര്‍ പറയുന്നത്. ഇത്ര വര്‍ഷക്കാലവും റിമിയെ പ്രേക്ഷകര്‍ ഒരേ ഹൈപ്പില്‍ തന്നെ ഏറ്റെടുക്കാന്‍ കാരണം, ആവര്‍ത്തന വിരസതയില്ലാത്ത സംസാരമാണ് എന്നായിരുന്നു അടുത്തിടെ എസ്കെഎൻ പോലും പറഞ്ഞത്.
ഇപ്പോഴിതാ അടുത്തിടെ റിമി പറഞ്ഞ ഒന്ന് രണ്ടുവാക്കുകൾ ആണ് സമൂഹ മാധ്യമങ്ങളിൽ വൈറലായി മാറുന്നത്. അത് മറ്റൊന്നും അല്ല. തൻറെ ചിലവിനെകുറിച്ചാണ് റിമി തുറന്നു സംസാരിക്കുന്നത്. ഞാൻ വരവറിയാതെ ചെലവഴിക്കുന്ന ഒരാളാണ്; ഒരിക്കലും ഇതാരും മാതൃകയാക്കരുതെന്ന് ആണ് റിമി പറയുന്നത്. വായ പോയ കോടാലി പോലെ എല്ലാം തുറന്നു പറയുന്ന ആളാണ് താൻ എന്ന് അടുത്തിടെ റിമി പറഞ്ഞിരുന്നു. അത്പോലെ തന്നെയാണ് താൻ അത്യാവശ്യം ചിലവ് ചെയ്യുന്ന ആളാണ് എന്നും റിമി പറയുന്നത്.
ഞാൻ വരവ് അറിയാതെ ചിലവഴിക്കും. ജീവിക്കുന്ന അത്രയും കാലം മാത്രമേ നമുക്ക് ജീവിതം ഉള്ളൂ, അത് നന്നായി ജീവിക്കാം എന്ന് വിശ്വസിക്കുന്ന ആളാണ്. ഇപ്പോൾ ചിലവാക്കിയില്ല എങ്കിൽ എപ്പോൾ ചിലവാക്കും എന്നാണ് ഞാൻ ചിന്തിക്കുക. യാത്രക്ക് വേണ്ടിയാണു കൂടുതലും ചെലവിടുന്നത്. പിന്നെ ഒരു പെർഫോർമർ ആണ് ഞാൻ. അപ്പോൾ സ്റ്റേജിൽ നില്ക്കാൻ വേണ്ടി അത്യാവശ്യം നമുക്ക് ആവശ്യമുള്ള സാധനങ്ങൾ വാങ്ങാനും മറ്റുമായി പൈസ ചിലവാക്കും എന്നും റിമി പറയുന്നു. എന്നാൽ ഇത് തന്നെ അല്ലെ ഒരിക്കൽ റിമിയെ കുറിച്ച് റോയ്‌സ് പറഞ്ഞതെന്നും ചില ആരാധകർ ചോദിക്കുന്നുണ്ട്.
ലക്ഷങ്ങൾ വരുമാനം കിട്ടുന്നുണ്ട് റിമിക്ക് ഓരോ ഷോയിൽ നിന്നും. പിന്നെ റിയാലിറ്റി ഷോയിൽ നിറസാന്നിധ്യമായി റിമി മാറിയിട്ടുണ്ട്. പിന്നെ അവർക്ക് ചിലവാക്കുന്നതിൽ എന്താണ് പ്രശ്നം. അവർ ഉണ്ടാക്കുന്നു അത് ചിലവാക്കുന്നു. അതിൽ ആർക് എന്ത് നഷ്ടമാണ് എന്നും റിമിയുടെ ആരാധകർ മറുചോദ്യം ചോദിക്കുന്നുണ്ട്.
എവിടെ എങ്കിലും പോയി വേഗം വീട്ടിലേക്ക് തന്നെ തിരികെ എത്തിക്കുന്നതിൽ സഹോദരങ്ങളുടെ മക്കളുടെ പങ്ക് ചെറുതല്ല എന്നാണ് റിമി പറയുന്നത്. അതോടെ കോടികണക്കിന് വരുന്ന സ്വത്തുക്കൾ ഈ കുഞ്ഞുങ്ങളിലേക്ക് ആകില്ലേ എന്നും റിമിയോടായി എസ്‌കെൻ ചോദിക്കുന്നുണ്ട്. ഇത് ശരി വയ്ക്കുന്ന രീതിയിൽ ഉള്ള കമന്റുകളും ഇപ്പോൾ സോഷ്യൽ മീഡിയയിൽ നടക്കുന്നുണ്ട്. കാരണം ഇനിയൊരു കൂട്ടുവേണ്ടേ എന്ന് പലരും റിമിയോട് ചോദിക്കുന്നുണ്ട് എങ്കിലും ഇതുവരെയും മറ്റൊരു വിവാഹത്തെക്കുറിച്ചൊന്നും റിമി തുറന്നു പറഞ്ഞിട്ടില്ല.
നാല്പതുവയസ്സായി റിമിക്ക്, ഡിവോഴ്സ് കഴിഞ്ഞിട്ട് വർഷങ്ങളും പലകുറി താരത്തിന്റെ രാണ്ടാം വിവാഹം ചർച്ച ആയിരുന്നു എങ്കിലും താൻ നേരിട്ട് വന്നു അറിയിക്കും എന്നാണ് റിമി വിവാഹവാർത്തയെ കുറിച്ചുപറഞ്ഞതും. റിമിയുമായുള്ള വിവാഹമോചനത്തിനു ശേഷം റോയ്‌സ് മറ്റൊരു വിവാഹം കഴിച്ചിരുന്നു. പക്ഷെ റിമി ഒരിക്കൽ പോലും അദ്ദേഹത്തെ കുറ്റപ്പെടുത്തി എവിടെയും സംസാരിച്ചിട്ടില്ല. അതുതനയാണ് അവരുടെ നന്മ എന്നാണ് ആരാധകർ പറയുന്നത്.
