ദുബായ്: മഹാത്മാ ഗാന്ധിക്ക് ആദരമര്‍പ്പിച്ച്‌ ദുബായിലെ ബുര്‍ജ് ഖലീഫ. ഗാന്ധിയുടെ 151ാം ജന്മ വാര്‍ഷിക ദിനത്തില്‍ പ്രത്യേക എല്‍‌ഇഡി ഷോ നടത്തി. വെള്ളിയാഴ്ച രാത്രി ഗാന്ധി സന്ദേശങ്ങളും അദ്ദേഹത്തിന്‍റെ കൂറ്റന്‍ ചിത്രങ്ങളും പ്രദര്‍ശിപ്പിച്ച ബുര്‍ജ് ഖലീഫ വര്‍ണവെളിച്ചത്തില്‍ കുളിച്ചു. ഇന്ത്യന്‍ എംബസിയും, അബുദാബി, ദുബായിലെ ഇന്ത്യന്‍ കോണ്‍സുലേറ്റ് എന്നിവ സംയുക്തമായാണ് പരിപാടി സംഘടിപ്പിച്ചത്.
ദുബായിലെ ഇന്ത്യന്‍ കോണ്‍സുലേറ്റിന്‍റെ സമൂഹമാധ്യമ അക്കൗണ്ടുകളിലൂടെ ഷോ തത്സമയം പ്രദര്‍ശിപ്പിച്ചു. ഗാന്ധി ജയന്തിയോടനുബന്ധിച്ച്‌ വിവിധ ഭാഗങ്ങളിലായി 151 മരങ്ങള്‍ നട്ടുപിടിപ്പിക്കുകയും ചെയ്തു.
ഗാന്ധിജിയുടെ ജന്മദിനം ഏറ്റവും ഉയരം കൂടിയ കെട്ടിടത്തില്‍ ആചരിക്കുന്നതിന് നിര്‍ദേശം നല്‍കിയ ഇമാര്‍ പ്രോപ്പര്‍ട്ടീസിനെ ദുബായി ഇന്ത്യന്‍ കോണ്‍സുലേറ്റ് നന്ദി അറിയിച്ചു.
