ഓണച്ചിത്രമായി പുറത്തിറങ്ങിയ ആസിഫ് അലി ചിത്രം ‘കിഷ്കിന്ധാ കാണ്ഡം’ (Kishkindha Kandam) തീയേറ്ററുകളിൽ മികച്ച അഭിപ്രായം നേടി പ്രദർശനം തുടരുന്നു. ദിന്‍ജിത്ത് അയ്യത്താന്‍ സംവിധാനം ചെയ്ത ചിത്രം ഗുഡ്‌വിൽ എന്റെർറ്റൈൻമെന്റ്സിന്റെ ബാനറിൽ ജോബി ജോർജ്ജാണ് നിർമ്മിച്ചത്. സമീപകാലത്തെ ഏറ്റവും മികച്ച ത്രില്ലര്‍ ആണ് ഈ ചിത്രമെന്ന് പ്രേക്ഷകർ ഒന്നാകെ പറയുന്നു.
ഇപ്പോഴിതാ ചിത്രത്തിന്റെ വിജയം ആഘോഷിക്കാനായി ചിത്രത്തിലെ താരങ്ങളായ ആസിഫ് അലിയും അപര്‍ണാ ബാലമുരളിയും കോഴിക്കോട് ഹൈലൈറ്റ് മാളില്‍ വൈകീട്ട് അഞ്ചു മണിക്ക് എത്തും. താരങ്ങള്‍ കിഷ്കിന്ധാ കാണ്ഡത്തിന്റെ പ്രേക്ഷകരെ കാണുകയും ചിത്രത്തിന്റെ വിജയം ആഘോഷിക്കുകയും ചെയ്യും.
കക്ഷി അമ്മിണിപ്പിള്ള’ എന്ന ചിത്രത്തിന് ശേഷം ദിൻജിത്ത് അയ്യത്താന്റെ സംവിധാനത്തില്‍ പുറത്തിറങ്ങിയ ചിത്രത്തിന്റെ കഥ, തിരക്കഥ, സംഭാഷണം, ഛായാഗ്രഹണം എന്നിവ നിർവഹിച്ചിരിക്കുന്നത് ബാഹുൽ രമേഷ് ആണ്.
