കൊച്ചി: കവിയൂര്‍ പൊന്നമ്മ ആശുപത്രിയിൽ പ്രവേശിപ്പിച്ചു. കൊച്ചിയിലെ ലിസി ആശുപത്രിയിലാണ് അവര്‍ ചികിത്സയില്‍ കഴിയുന്നത്. വാര്‍ധക്യ സഹജമായ അസുഖങ്ങള്‍ കൊണ്ട് ബുദ്ധിമുട്ടിലായിരുന്നു കവിയൂര്‍ പൊന്നമ്മ. ആരോഗ്യം വഷളായതോടെയാണ് വടക്കന്‍ പറവൂരിലെ കരിമാളൂരിലെ വസതിയില്‍ നിന്നും പൊന്നമ്മയെ ആശുപത്രിയിലേക്ക് മാറ്റിയത്.
കവിയൂര്‍ പൊന്നമ്മയുടെ ഇളയ സഹോദരനും കുടുംബുമാണ് ഇപ്പോൾ ആശുപത്രിയിൽ ഉള്ളത്. നിരവധി സിനിമാ പ്രവർത്തകർ വിവരം അറിഞ്ഞ് ആശുപത്രിയിലേക്ക് എത്തിച്ചിട്ടുണ്ട്. ഏക മകൾ ബിന്ദു യുഎസിലാണ്.
കുടുംബാംഗങ്ങളോ ബന്ധുക്കളോ ആരും ഇല്ലാതെ കഴിഞ്ഞ കുറച്ചു നാളായി താരം ഒറ്റക്കാണ് ജീവിക്കുന്നത്. താരത്തിന്റെ ഈ അവസ്ഥയെ കുറിച്ച് നിരവധി വാർത്തകൾ എത്തിയിരുന്നു. ചെറിയ പ്രായത്തില്‍ മലയാള സിനിമയില്‍ എത്തിയ കവിയൂർ പൊന്നമ്മ മലയാളത്തിലെ മിക്ക സൂപ്പർ താരങ്ങൾക്കൊപ്പവും അഭിനയിച്ചിട്ടുണ്ട്. നായിക വേഷത്തിൽ നിന്നും പിന്നീട് അമ്മ വേഷത്തിലേക്ക് മാറി. വര്‍ഷങ്ങളായി അമ്മ കഥാപാത്രങ്ങളാണ് താരം ചെയ്തു വരുന്നത്. സൂപ്പര്‍താരങ്ങളുടെയടക്കം അമ്മയായി അഭിനയിച്ച താരം എല്ലാവർക്കും പ്രിയപ്പെട്ട അമ്മയായി മാറി.
മലയാളം ടെലിവിഷനിലൂടെയാണ് കവിയൂർ പൊന്നമ്മ തന്റെ സിനിമാ കരിയർ തുടങ്ങുന്നത്. സിനിമയിലേക്ക് കടക്കുന്നതിന് മുമ്പ് നാടക നാടകങ്ങളിൽ അഭിനയിച്ചിരുന്നു. ടിവി സീരിയലുകളിലും പരസ്യങ്ങളിലും അഭിനയിച്ചിട്ടുള്ള അവർ സിനിമയിൽ പിന്നണി ഗായികയായി പ്രവർത്തിച്ചിട്ടുണ്ട്. സഹോദരി കവിയൂർ രേണുകയും അഭിനേത്രിയായിരുന്നു. 1965-ൽ പുറത്തിറങ്ങിയ തൊമ്മൻ്റെ മക്കൾ എന്ന സിനിമയിൽ 20 ാം വയസ്സിൽ സത്യൻ്റെയും മധുവിൻ്റെയും അമ്മയായി അവർ അഭിനയിച്ചു . മോഹൻലാൽ എന്ന നടൻ്റെ അമ്മയായി അഭിനയിച്ച് നിരൂപക പ്രശംസ നേടി.
1945 സെപ്റ്റംബർ 10ന് തിരുവല്ലയിലെ കവിയൂരിൽ ടി പി ദാമോധരൻ്റെയും ഗൗരിയുടെയും മകളായി ജനിച്ചു. ആറ് സഹോദങ്ങൾ ഇവർക്കുണ്ട്. 1969-ൽ ചലച്ചിത്ര നിർമ്മാതാവ് മണിസ്വാമിയെ പൊന്നമ്മ വിവാഹം കഴിച്ചു. ഈ ബന്ധത്തിൽ ഒരു മകളുണ്ട്. വിവാഹിതയായി മകൾ അമേരിക്കയിൽ സ്ഥിരതാമസമാക്കിയിരിക്കുകയാണ്. ചെറിയ പ്രായത്തിൽ തന്നെ അമ്മ വേഷങ്ങൾ ചെയ്ത താരം പിന്നീട് വന്ന എല്ലാ നടൻമാരുടേയും അമ്മ വേഷങ്ങളിൽ എത്തി. ഇതിൽ ഏറ്റവും കൂടുതൽ എത്തിയത് മോഹൻലാലിന്റെ അമ്മ വേഷത്തിലാണ്. താരത്തിൻ‍റെ ആരോഗ്യസ്ഥിതി മോശമായി തുടരുകയാണ് എന്ന തരത്തിൽ സ്ഥിരീകരിക്കാത്ത ചില മാധ്യമ വാർത്തകൾ എത്തിയിട്ടുണ്ട്.
