സൗദി: എയർ കണക്റ്റിവിറ്റി പ്രോഗ്രാം 2021ലാണ് സൗദിയ ആരംഭിക്കുന്നത്. വിവിധ സ്ഥലങ്ങളിലേക്ക് വിമാന സർവീസ് ഉയർത്തുക എന്നതാണ് ഇതിലൂടെ ലക്ഷ്യം വെക്കുന്നത്. കണക്റ്റിവിറ്റി പ്രോഗ്രാം ആരംഭിച്ച ശേഷം സൗദി അറേബ്യയിൽ നിന്ന് ലോകത്തിന്റെ വിവിധ ഭാഗങ്ങളിലേക്ക് സൗദിയ സർവീസ് നടത്തുന്നുണ്ട്. ഇതിന്റെ ഭാഗമായി 60ലധികം പുതിയ വിമാന റൂട്ടുകൾ സൃഷ്ടിച്ചതായി പ്രോഗ്രാം സിഇഒ മാജിദ് ഖാൻ പറഞ്ഞു. ബഹ്‌റൈൻ ആതിഥേയത്വം വഹിച്ച ‘റൂട്ട്‌സ് വേൾഡ് 2024’ എക്‌സിബിഷൻ സമ്മേളനത്തിൽ പങ്കെടുത്ത ശേഷം സംസാരി;ക്കുമ്പോൾ ആണ് അദ്ദേഹം ഇക്കാര്യം വെളിപ്പെടുത്തിയത്.
ലോക രാജ്യങ്ങളും, സൗദിയും തമ്മിലുള്ള വ്യാമ ബന്ധം വർധിപ്പിക്കാൻ ഇതിലൂടെ സാധിച്ചു. ഇപ്പോൾ നിലനിൽക്കുന്നതും. സാധ്യതയുള്ളതുമായ എയർ റൂട്ടുകൾ വികസിപ്പിച്ചുകൊണ്ടാണ് പുതിയ വളർച്ചയ്ക്ക് സൗദി നേതൃത്വം വഹിക്കുന്നത്. രാജ്യത്തെ ടൂറിസം വളർച്ചക്ക് വ്യോമഗതാഗത ശൃംഖലയുടെ വ്യാപനം ഈ പദ്ധതി സഹയിച്ചെന്ന് പ്രോഗ്രാം സിഇഒ മാജിദ് ഖാൻ വ്യക്തമാക്കി.
2024 ജനുവരിയിൽ ആണ് ഈ എയർ കണക്റ്റിവിറ്റി പ്രോഗ്രാം ആരംഭിക്കുന്നത്. ജനുവരി ആരംഭം മുതൽ ഒക്ടോബർ വരെയുള്ല കണക്കുകൾ പരിശോധിക്കുമ്പോൾ 12 വിദേശ വിമാന കമ്പനികളെ പുതിയ ലക്ഷ്യസ്ഥാനങ്ങളിലേക്കുള്ള യാത്രാ റൂട്ടുകളുമായി പ്രവേശിപ്പിക്കാൻ സാധിച്ചിട്ടുണ്ട്. മാത്രമല്ല, വ്യോമയാന മേഖലയിൽ രാജ്യങ്ങളിലേക്കുള്ള വിദേശ കമ്പനികളുടെ പ്രവേശനം വർധിച്ചിട്ടുണ്ട്.
സൗദിയ വിമാനകമ്പനിക്ക് ഇത് വലിയ നേട്ടം ആണ് ഉണ്ടാക്കിയിരിക്കുന്നത്. സൗദിയിലേക്ക് കൂടുതൽ ഇൻകമിങ് ടൂറിസത്തെ സ്വാഗതം ചെയ്യുന്നതിനും പുറമേ നിരവധി വിമാന കമ്പനികളെ ആകർഷിക്കാനും കഴിഞ്ഞുവെന്നും മാജിദ് ഖാൻ പറഞ്ഞു. ലോകത്തിന്റെ മുന്നിൽ സൗദിയെ ആഗോള ലക്ഷ്യസ്ഥാനമാക്കി മാറ്റാൻ ആണ് തീരുമാനിച്ചിരിക്കുന്നത്. ടൂറിസം എയർ കണക്റ്റിവിറ്റി മേഖലയിൽ ലോകത്തെ മുൻനിര വിനോദസഞ്ചാര കേന്ദ്രമെന്ന നിലയിൽ സൗദിയെ എത്തിക്കാൻ സാധിച്ചത് ഈ പ്രോഗ്രാം വലിയ പങ്കാണ് വഹിച്ചിട്ടുള്ളത്. ടൂറിസം രംഗത്ത് വലിയ വളർച്ച കൊണ്ട് വരാൻ വേണ്ടി സൗദി വിവിദ പദ്ധതികൾ ആണ് കഴിഞ്ഞ വർഷം മുതൽ കൊണ്ടുവരുന്നത്. ഭൂമിശാസ്ത്രപരമായ സ്ഥാനത്തിന് സൗദിക്ക് വലിയ പങ്കാണ് ഉള്ളത്. എട്ട് മണിക്കൂറിനുള്ളിൽ യൂറോപ്പ്, ഏഷ്യ, ആഫ്രിക്ക എന്നിവിടങ്ങളിലേക്ക് സൗദിയിൽ നിന്നും പോകാൻ സാധിക്കും.
