ഇന്ന് മലയാള സിനിമയുടെ ദ യങ് യൂപ്പര് സ്റ്റാര് പൃഥ്വിരാജ് സുകുമാരന്റെ നാല്പ്പത്തിരണ്ടാം ജന്മദിനമാണ്. ആരാധകരും സഹപ്രവര്ത്തകരും എല്ലാ പ്രിയപ്പെട്ട നടന്റെ ജന്മദിനം ആഘോഷിക്കുന്നു. ഭാര്യ സുപ്രിയ മേനോനും, സുഹൃത്ത് ലിസ്റ്റിന് സ്റ്റീഫനും മഞ്ജു വാര്യര്, ആന്റണി പെരുമ്പാവൂര്, നവ്യ നായര്, മോഹന്ലാല്, ദുല്ഖര് സല്മാന് എന്നിങ്ങനെ ഇനി ഇന്റസ്ട്രിയില് ആശംസകള് അറിയിക്കാന് ബാക്കിയാരും ഇല്ല എന്ന് തന്നെ പറയാം.
സംവിധായകന് ഷാജി കൈലാസും പൃഥ്വിരാജിന് ആശംസകളുമായി എത്തി. എന്റെ സ്നേഹനിധിയായ ഇളയ സഹോദരന് എന്നാണ് ഷാജി കൈലാസ് പൃഥ്വിരാജിനെ വിശേഷിപ്പിച്ചത്. രാജുവിന്റെ ധൈര്യവും നിശ്ചയദാര്ഢ്യവും തനിക്ക് വലിയ പ്രചോദനമാണ് എന്നു സംവിധായകന് പറയുന്നു.
‘കഠിനാധ്വാനിയായ എന്റെ ഇളയ സഹോദരന് രാജുവിന് ജന്മദിനാശംസകള്! നിങ്ങളുടെ നിശ്ചയദാര്ഢ്യവും ധൈര്യവും എന്നെ വളരെയധികം പ്രചോദിപ്പിച്ചു. ഈ വര്ഷം നിങ്ങളുടെ വഴി എന്താണ് വരാനിരിക്കുന്നതെന്ന് എനിക്കറിയില്ലായിരിക്കാം, പക്ഷേ ഇത് മികച്ചതും അതിശയകരവുമായിരിക്കുമെന്ന് എനിക്ക് ഉറപ്പുണ്ട്. ശക്തമായി തുടരുക’ എന്നാണ് പോസ്റ്റില് ഷാജി കൈലാസ് കുറിച്ചത്.
2012 ല് പുറത്തിറങ്ങിയ സിംഹാസനം എന്ന ചിത്രത്തിന്റെ ലൊക്കേഷനില് വച്ച് പൃഥ്വിരാജിനൊപ്പം ഷാജി കൈലാസിന്റെ മൂന്ന് ആണ്മക്കളും നിന്നെടുത്ത ഒരു പോട്ടോയും, സസമീപകാലത്ത് മക്കള്ക്കൊപ്പം പൃഥ്വിരാജ് നിന്ന് എടുത്ത മറ്റൊരു ഫോട്ടോയും കോര്ത്തിണക്കിയാണ് ഷാജി കൈലാസിന്റെ പോസ്റ്റ്. അന്നും ഇന്നും, പൃൃഥ്വിരാജ് കൂടുതല് ചുള്ളനായി തോന്നുന്നു എന്ന് ആരാധകര് അഭിപ്രായപ്പെടുന്നു.
സിംഹാസനത്തിന് ശേഷം, പത്ത് വര്ഷങ്ങള് കഴിഞ്ഞാണ് ഷാജി കൈലാസും പൃഥ്വിരാജും ഒന്നിച്ചൊരു സിനിമ ചെയ്തത്. 2022 ല് പുറത്തിറങ്ങിയ കടുവ വന് വിജയമാവുകയും ചെയ്തു. തൊട്ടുപിന്നാലെ ചെയ്ത കാപ്പ എന്ന ചിത്രവും നിരൂപക പ്രശംസ നേടിയതാണ്.