ആൽബനി: ന്യൂയോർക്കിലെ അൽബനിയിലെ വീട്ടുമുറ്റത്ത് വച്ച് മിക്സഡ് ബ്രീഡ് പിറ്റ്ബുൾ ഇനത്തിൽപ്പെട്ട നായ്ക്കളുടെ ആക്രമണത്തിൽ മധ്യവയസ്കന് ദാരുണാന്ത്യം. ന്യൂയോർക്കിലെ ഷെനെക്‌ടഡിയിൽ താമസിക്കുന്ന ജയിംസ് പ്രൊവോസ്റ്റ്(59) ആണ് മരിച്ചത്.
എന്തിനാണ് ജയിംസ് ഇവിടെ എത്തിയതെന്ന് അറയില്ലെന്നും സ്ഥലത്ത് എത്തിയ ഒരു ഉദ്യോഗസ്ഥൻ ഒരു നായയെ വെടിവച്ച് കൊന്നതായും പോലീസ് അറിയിച്ചു. ഇതോടെ മറ്റ് നായ്ക്കൾ ഓടി പോയി. നായയുടെ സംരക്ഷകൻ എത്തിയാണ് പിന്നീട് ഇവയെ കൂട്ടിലാക്കിയത്.
ഇയാളുടെ വീട്ടിൽ നിന്ന് 15 നായ്ക്കുട്ടികൾ ഉൾപ്പെടെ 24 മിക്സഡ് ബ്രീഡ് പിറ്റ്ബുൾ ഇനത്തിൽപ്പെട്ട നായ്ക്കളെ അന്വേഷണ ഉദ്യോഗസ്ഥർ കണ്ടെത്തിയെന്നും പോലീസ് അറിയിച്ചു.
