ഫിലാഡൽഫിയ: തിരുബാല സഖ്യത്തിന്‍റെ (ഹോളി ചൈൽഡ്ഹുഡ്) 2024 – 2025 പ്രവർത്തനവർഷത്തെ ക്നാനായ റീജിയണൽ തലത്തിലുള്ള ഉദ്‌ഘാടനം ഒക്‌ടോബർ 13ന് നടത്തപ്പെടും. ഷിക്കാഗോ രൂപതാ വികാരി ജനറാൾ ഫാ. തോമസ് മുളവനാൽ ഉദ്‌ഘാടനം നിർവഹിക്കും.
ഫിലാഡൽഫിയ സെന്‍റ് ജോൺ ന്യൂമാൻ ക്നാനായ കത്തോലിക്കാ മിഷനിലാണ് പരിപാടികൾ സംഘടിപ്പിക്കുന്നത്. അന്നേ ദിവസം തന്നെ ക്നാനായ റീജിയണിന്‍റെ കീഴിലുള്ള എല്ലാ ഇടവകകളിലും മിഷനുകളിലും ഹോളി ചൈൽഡ് ഹുഡിന്‍റെ 2024 – 2025 വർഷത്തെ പ്രവർത്തനങ്ങളുടെ യൂണിറ്റ് തല ഉദ്ഘാടനവും നടക്കും.
