പുറത്താക്കപ്പെട്ട ബംഗ്ലാദേശ് മുൻ പ്രധാനമന്ത്രി ഷെയ്ഖ് ഹസീന യുഎസ് പ്രസിഡൻ്റ് തെരഞ്ഞെടുപ്പിലെ വിജയത്തിൽ ഡൊണാൾഡ് ട്രംപിനെ അഭിനന്ദിച്ചു. അദ്ദേഹത്തിൻ്റെ “അസാധാരണമായ നേതൃഗുണങ്ങളെ” പ്രശംസിച്ച ഹസീന, റിപ്പബ്ലിക്കൻ നേതാവിൽ അമേരിക്കയിലെ ജനങ്ങൾ വലിയ വിശ്വാസമാണ് കണ്ടെത്തുന്നതെന്നും പറഞ്ഞു.
“അമേരിക്കയുടെ 47-ാമത് പ്രസിഡൻ്റായി വിജയിച്ച ഡൊണാൾഡ് ജെ ട്രംപിനെ ഷെയ്ഖ് ഹസീന അഭിനന്ദിച്ചു,” അവാമി ലീഗിൻ്റെ വെരിഫൈഡ് ഫെയ്‌സ്ബുക്ക് പേജിൽ ഒരു കുറിപ്പ് പ്രസിദ്ധീകരിച്ചു.
ബംഗ്ലാദേശും യുഎസും തമ്മിലുള്ള ബന്ധം കൂടുതൽ ദൃഢമാകണമെന്നും ഹസീന ആശംസിച്ചു. ബംഗ്ലാദേശിലെ ഹിന്ദുക്കൾക്ക് നേരെയുള്ള ആക്രമണങ്ങളെക്കുറിച്ച് പ്രതികരിച്ച് ദിവസങ്ങൾക്ക് ശേഷമാണ് ട്രംപിന് ഹസീനയുടെ ആശംസ.
