ഒഹായോ: കൊളംബസിൽ 2020 ഡിസംബർ 22ന് കറുത്തവർഗക്കാരനായ ആന്ദ്രേ ഹില്ലിനെ(47) കൊലപ്പെടുത്തിയ കേസിൽ വെള്ളക്കാരനായ മുൻ പോലീസ് ഉദ്യോഗസ്ഥൻ ആദം കോയിനെ(48) കുറ്റക്കാരനാണെന്ന് ജൂറി കണ്ടെത്തി.
കൊലപാതകം, അശ്രദ്ധമായ നരഹത്യ, ക്രൂരമായ ആക്രമണം എന്നീ മൂന്ന് കേസുകളിലും കുറ്റക്കാരനാണെന്ന് കണ്ടെത്തിയ കോയിക്കു ജീവപര്യന്തം തടവ് ശിക്ഷയാണ് ജൂറി നിർദേശിച്ചിരിക്കുന്നത്.
സംഭവ ദിവസം പുലർച്ചെ 1.30 ഓടെ ഒരു വാഹനം ഓണാക്കുന്നതും ഓഫാക്കുന്നതും സംബന്ധിച്ചു റിപ്പോർട്ടു ലഭിച്ചതിനെ തുടർന്ന് സ്ഥലത്തെത്തിയ ആദം ഹില്ലിന് നേരെ വെടിയുതിർക്കുകയായിരുന്നു.
വീടിന്‍റെ ഗാരേജിൽ നിന്ന് പുറത്തുകടക്കാൻ ആദം ഹില്ലിനോട് ഉത്തരവിട്ടിരുന്നു. നാല് തവണ വെടിയുതിർത്തപ്പോൾ ഹിൽ റിവോൾവർ കൈവശം വച്ചിരിക്കുകയാണെന്ന് താൻ തെറ്റിദ്ധരിച്ചുവെന്ന് വിചാരണയ്ക്കിടെ ആദം മൊഴി നൽകി.
ഹിൽ വീട്ടുടമയുടെ അതിഥിയാണെന്ന് പിന്നീട് അന്വേഷണ ഉദ്യോഗസ്ഥർക്ക് മനസിലായി. വെടിവയ്പ്പിന് തൊട്ടുപിന്നാലെ കൊളംബസ് പോലീസ് ഡിപ്പാർട്ട്മെന്‍റ് ആദത്തെ പുറത്താക്കിയിരുന്നു.
