മാളികപ്പുറത്തേക്കുള്ള ഫ്ലൈ ഓവറില്‍ നിന്നാണ് അയ്യപ്പ ഭക്തനായ കർണാടക രാം നഗർ സ്വദേശിയായ കുമാരസാമി താഴേക്ക് ചാടിയത്. പിന്നാലെ പൊലീസെത്തി സന്നിധാനത്തെ ആശുപത്രിയിലേക്ക് അദ്ദേഹത്തെ മാറ്റി. ഫ്ലൈ ഓവറിന് മുകളിലുള്ള മേല്‍ക്കൂരയില്‍ നിന്നാണ് കുമാരസ്വാമി ചാടിയതെന്നാണ് ലഭിക്കുന്ന സൂചന. മാനസിക വെല്ലുവിളി നേരിടുന്നയാളാണ് ഇയാളെന്ന് സംശയമുണ്ട്.
വീഴ്ച്ചയില്‍ കുമാരസ്വാമിക്ക് പരിക്കേറ്റിട്ടുണ്ട്. കൈക്കും കാലിനുമാണ് പരിക്ക്. എന്നാല്‍ സാരമുള്ള പരിക്കല്ലെന്നാണ് ലഭിക്കുന്ന സൂചന. ഇയാളുടെ പക്കല്‍ നിന്നും കണ്ടെടുത്ത തിരിച്ചറിയല്‍ രേഖയില്‍ കുമാർ എന്നാണ് പേരുള്ളത്. വീണതിന് ശേഷം പരസ്പര വിരുദ്ധമായി സംസാരിച്ചിരുന്നുവെന്നും മാനസിക വെല്ലുവിളി ഉണ്ടോഎന്ന് പരിശോധിക്കുമെന്ന് എഡിഎം അരുണ്‍ എസ് നായർ അറിയിച്ചു. കുമാരസാമി രണ്ടു ദിവസമായി സന്നിധാനത്ത് തുടരുന്നതായി പൊലീസും അറിയിച്ചു.
