കേരള-കർണാടക അതിർത്തിയോട് ചേർന്നുള്ള പെർള ടൗണിലുണ്ടായ തീപ്പിടിത്തത്തിൽ ഏഴ് കടകൾ പൂർണമായും കത്തി നശിച്ചു. ഞായറാഴ്ച്ച പുലർച്ചെയാണ് സംഭവമുണ്ടായത്. ഒരു പെയിന്റ് കടയിലാണ് ആദ്യം തീപിടിച്ചത്. പിന്നീടിത് മറ്റു കടകളിലേക്ക് കൂടെ പടരുകയായിരുന്നു. സ്പെയർ പാർട്ട് കടയിലെ എന്‍ജിന്‍ ഓയിലിന് തീപിടിച്ചതോടെ അവസ്ഥ വഷളായി.
കാസർകോട്, ഉപ്പള, കുറ്റിക്കോൽ എന്നിവിടങ്ങളിൽ നിന്നുളള ഫയർഫോഴ്സ് എത്തിയാണ് തീ അണച്ചത്. അപകടത്തിന് കാരണം ഷോർട്ട് സർക്യൂട്ടാണെന്നാണ് പ്രാഥമിക നിഗമനം. സംഭവത്തിൽ വിശദമായ അന്വേഷണം നടക്കും. നിലവിൽ ആളപായമൊന്നും റിപ്പോർട്ട് ചെയ്യപ്പെട്ടിട്ടില്ല.
ജയ്‌പുരിൽ ട്രക്ക് പാചകവാതകലോറിയിലിടിച്ച്‌ വൻ തീപ്പിടിത്തം
രാജസ്ഥാനിലെ ജയ്പുരിലെ പെേട്രാൾപന്പിന്‌ സമീപം രാസവസ്തു കയറ്റിവന്ന ട്രക്ക്, എൽ.പി.ജി. ടാങ്കറിലിടിച്ച്‌ വൻ തീപ്പിടിത്തം. 11 പേർ മരിച്ചു. 40 പേർക്ക് പരിക്കേറ്റു. 28 പേരുടെനില ഗുരുതരമാണ്. ഏഴുപേർ വെന്റിലേറ്ററിലാണ്.
