ബിജെപി സ്ഥാനാർഥി പർവേഷ് വർമയ്‌ക്കെതിരെ തിരഞ്ഞെടുപ്പ് ചട്ടലംഘനത്തിന് കേസെടുത്തു. ന്യൂഡൽഹി നിയോജക മണ്ഡലത്തിലെ വോട്ടർമാർക്ക് ഷൂ വിതരണം ചെയ്യുന്നതായി വീഡിയോയിൽ കാണിച്ചതിനെ തുടർന്നാണ് വർമക്കെതിരെ പരാതി നൽകിയത്.
ന്യൂഡൽഹി അസംബ്ലി സീറ്റിൽ ആം ആദ്മി പാർട്ടി അധ്യക്ഷൻ അരവിന്ദ് കെജ്‌രിവാളിനെയും കോൺഗ്രസിൻ്റെ സന്ദീപ് ദീക്ഷിതിനെയും നേരിടാൻ ബി.ജെ.പി നിർത്തിയ സ്ഥാനാർഥിയാണ് പർവേഷ് വർമ.
കേസ് രജിസ്റ്റർ ചെയ്യാൻ സ്റ്റേഷൻ ഹൗസ് ഓഫീസർക്ക് റിട്ടേണിംഗ് ഓഫീസർ നിർദ്ദേശം നൽകുകയും പരാതിക്കാരനായ അഭിഭാഷകൻ രജനിഷ് ഭാസ്‌കർ പങ്കുവെച്ച വീഡിയോകൾ കൈമാറുകയും ചെയ്തതിന് പിന്നാലെയാണ് വർമ്മയ്‌ക്കെതിരെ കേസെടുത്തത്. “പർവേഷ് സാഹിബ് സിംഗ് വർമ്മ സ്ത്രീകൾക്ക് ഷൂ വിതരണം ചെയ്യുന്ന രണ്ട് വീഡിയോകൾ പരാതിക്കാരൻ ഫോർവേഡ് ചെയ്തിട്ടുണ്ട്,” RO എസ്എച്ച്ഒയ്ക്ക് എഴുതി.
ജനപ്രാതിനിധ്യ നിയമത്തിൻ്റെ 123-ാം വകുപ്പ് അനുസരിച്ച്, തിരഞ്ഞെടുപ്പ് സമയത്ത് ഒരു സ്ഥാനാർത്ഥി അല്ലെങ്കിൽ അവൻ്റെ ഏജൻ്റ് നൽകുന്ന ഏതൊരു സമ്മാനമോ വാഗ്ദാനമോ അഴിമതിയുടെ കീഴിലാണ്.
മാതൃകാ പെരുമാറ്റച്ചട്ടം ലംഘിച്ചതിന് വർമയ്‌ക്കെതിരെ എഫ്ഐആർ ഫയൽ ചെയ്തിട്ടുണ്ട്. ഇതിനുപുറമെ, ബിജെപി സ്ഥാനാർത്ഥി വനിതാ വോട്ടർമാർക്കായി 1,100 രൂപ വിതരണം ചെയ്യുകയും വോട്ടർമാരെ ആകർഷിക്കാൻ ‘ഹർ ഘർ നൗക്രി’ പദ്ധതി പ്രോത്സാഹിപ്പിക്കുകയും ചെയ്തുവെന്ന് അരവിന്ദ് കെജ്‌രിവാൾ ആരോപിച്ചതിന് പിന്നാലെയാണ് വർമ്മയും തിരഞ്ഞെടുപ്പ് സമിതിയുടെ നടപടി നേരിടുന്നത്.
പെരുമാറ്റച്ചട്ടം നിലവിൽ വന്നതിന് ശേഷം ഇയാൾ ന്യൂ ഡൽഹി നിയോജക മണ്ഡലത്തിൽ തൊഴിൽ മേളകൾ നടത്തി, ജോബ് കാർഡുകൾ വിതരണം ചെയ്തു, ആരോഗ്യ ക്യാമ്പുകൾ വഴി കണ്ണടകൾ വിതരണം ചെയ്തുവെന്നും എഎപി ആരോപിച്ചു.
ഫെബ്രുവരി അഞ്ചിന് ഡൽഹി നിയമസഭാ തിരഞ്ഞെടുപ്പ് നടക്കുകയും ഫെബ്രുവരി എട്ടിന് ഫലം പ്രഖ്യാപിക്കുകയും ചെയ്യും.
