സൗദി ജയിലില്‍ 18 വര്‍ഷമായി കഴിയുന്ന കോഴിക്കോട് കോടമ്പുഴ സ്വദേശി അബ്ദുല്‍ റഹീമിൻ്റെ മോചനവുമായി ബന്ധപ്പെട്ട കേസ് റിയാദ് കോടതി ഇന്നും പരിഗണിയ്ക്കും. അബ്ദുൽ റഹീമും അഭിഭാഷകനും കോടതിയില്‍ ഇന്ന് ഹാജരാകും.
ജയില്‍ മോചന ഉത്തരവ് ഇന്ന് ഉണ്ടാകുമെന്നാണ് പ്രതീക്ഷിക്കുന്നത്. കഴിഞ്ഞ മൂന്ന് തവണ കേസ് വിധിപറയുന്നതിന് മാറ്റിയിരുന്നു. സൗദി സമയം ഉച്ചയ്ക്ക് 12.30 നാണ് കേസ് പരിഗണിക്കുന്നത്. ജൂലൈ രണ്ടിന് അബ്ദുൽ റഹീമിൻ്റെ വധശിക്ഷ കോടതി റദ്ദാക്കിയിരുന്നു.
ഇന്ന് മോചന ഉത്തരവ് ഉണ്ടായാല്‍ റിയാദ് ഗവര്‍ണറേറ്റിൻ്റെ അനുമതി കിട്ടുന്ന മുറയ്ക്ക് അബ്ദുൽറഹീമിന് നാട്ടിലേക്ക് മടക്കി കൊണ്ടുവരാൻ സാധിക്കും.
