വൻ രാഷ്ചട്രീയ വിവാദങ്ങൾ സംസ്ഥാനത്ത് കത്തി നിൽക്കുന്നതിനിടെ നാളെ മുതൽ നിയമസഭാ സമ്മളനം ആരംഭിക്കും. കേരള രാഷ്ട്രീയം അടുത്തിടെ കണ്ട ഏറ്റവും വലിയ വിവാദങ്ങൾ കൊടുമ്പിരികൊണ്ടിരിക്കെയാണ് നിയമസഭ ചേരുന്നത്.
മുഖ്യമന്ത്രി പിണറായി വിജയനെ അതിശക്തമായ വിമർശിക്കുന്ന നിലമ്പൂർ എംഎൽഎ പിവി അൻവറും ഭരണപക്ഷവും തമ്മിലുള്ള വാക്ക്പോരായിരിക്കും സഭയിലെ പ്രധാന സംഭവങ്ങളിലൊന്ന്.
പാർലമെൻററി പാർട്ടിയിൽ നിന്ന് അൻവറിനെ പുറത്താക്കിക്കൊണ്ടുള്ള കത്ത് ഉടൻ സിപിഎം സ്പീക്കർക്ക് ഉടൻ നൽകും.
ആർഎസ്എസ് കൂടിക്കാഴ്ച, എഡിജിപിയെ നീക്കം ചെയ്യുന്നത്, സ്വർണ്ണക്കള്ളക്കടത്ത്, മുഖ്യമന്ത്രിയുടെ പ്രെെവറ്റ് സെക്രെട്ടറിക്കെതിരായ ആരോപണം, മുഖ്യമന്ത്രിയുടെ ഹിന്ദു ദിനപത്രത്തിലെ അഭിമുഖത്തിലെ മലപ്പുറം പരാമർശം, പിആർ ഏജൻസി ഇടപെടൽ എന്നിവയെല്ലാം പ്രതിപക്ഷവും പിവി അൻവറും ആയുധങ്ങളാക്കുമെന്നത് തീർച്ച.
നിയമസഭയിലും പിവി അൻവർ മുഖ്യമന്ത്രിയേയും സിപിഎമ്മിനേയും വെല്ലുവിളിക്കുമെന്നത് ഉറപ്പാണ്. ഭരണപക്ഷത്തിൻ്റെ ചാവേറായിരുന്ന പിവി അൻവറിൻ്റെ സഭയിലെ പുതിയ ഇരിപ്പിടവും കൌതുകം ആയിരിക്കും. ഭരണപക്ഷത്തിൻറെ അവസാനനിരയിൽ പ്രതിപക്ഷത്തിൻറെ അടുത്തായിരിക്കും പുതിയ ഇരിപ്പിടം.
അൻവറിനെ രാഷ്ചട്രീയമായി പിന്തുണച്ചിട്ടില്ലെങ്കിലും ഉന്നയിക്കുന്ന കാര്യങ്ങൾ തങ്ങൾ പണ്ടു മുതൽ പറയുന്നതാണെന്നാണ് പ്രതിപക്ഷത്തിൻ്റെ വാദം.
അൻവർ ഉന്നയിച്ച വിഷയങ്ങളിൽ പ്രതിപക്ഷം ആദ്യം തന്നെ അടിയന്തിരപ്രമേയനോട്ടീസ് നൽകാൻ സാധ്യതയുണ്ട്.
ഈ മാസം 18 വരെയാണ് നിയമസഭാ സമ്മേളനം.
