Author: Editorial Team

കരിമണൽ കമ്പനിയായ സിഎംആർഎല്ലും മുഖ്യമന്ത്രിയുടെ മകളുടെ സ്ഥാപനമായിരുന്ന എക്സാലോജിക്കും തമ്മിലുള്ള ഇടപാടിൽ അഴിമതി ആരോപിച്ച് സിബിഐ അന്വേഷണം ആവശ്യപ്പെട്ട് സമർപ്പിക്കപ്പെട്ട പൊതുതാൽപര്യ ഹർജിയിൽ മുഖ്യമന്ത്രി പിണറായി വിജയനും മകൾ വീണയ്ക്കുമെതിരേ നോട്ടീസ് അയച്ച് ഹൈക്കോടതി. മാധ്യമ പ്രവർത്തകൻ എംആർ അജയൻ നൽകിയ ഹർജി ഹൈക്കോടതി ഫയലിൽ സ്വീകരിച്ചിട്ടില്ല. അതിന് മുൻപ് കേസുമായി ബന്ധപ്പെട്ട് ആരോപണ വിധേയരായവർക്ക് നോട്ടീസ് അയക്കാനാണ് ഹൈക്കോടതിയു‍ടെ ഉത്തരവ്. ആദായനികുതി വകുപ്പിന്റെ ഇന്ററിം സെറ്റിൽമെന്റ് ബോർഡ് പുറത്തിറക്കിയ റിപ്പോർട്ടിന്റെ അടിസ്ഥാനത്തിൽ സിബിഐ അന്വേഷണം വേണമെന്നാണ് ആവശ്യം. അതേസമയം ഹർജി വേനലവധിക്ക് ശേഷം മെയ് 27-ന് പരിഗണിക്കുന്നതിനായി ഹൈക്കോടതി മാറ്റിവെച്ചു. എസ്എഫ്ഐഒ റിപ്പോര്‍ട്ടിൽ രണ്ട് മാസത്തേക്ക് തുടര്‍ നടപടി പാടില്ലെന്ന് ഹൈക്കോടതി സിഎംആര്‍എല്‍-എക്സാലോജിക് ഇടപാടില്‍ എസ്എഫ്‌ഐഒ റിപ്പോര്‍ട്ടില്‍ തുടര്‍നടപടികള്‍ തടഞ്ഞ് ഹൈക്കോടതി. രണ്ടു മാസത്തേക്ക് തല്‍സ്ഥിതി തുടരാനാണ് നിര്‍ദേശം. ഇത് സിഎംആര്‍എല്ലിനും മുഖ്യമന്ത്രി പിണറായി വിജയന്റെ മകള്‍ വീണയ്ക്കും താത്കാലിക ആശ്വാസം...

കൊച്ചി: ബെംഗളൂരുവിൽ നിന്ന് വടക്കൻ കേരളത്തിലൂടെ മംഗളൂരുവിലേക്ക് സ്പെഷ്യൽ എക്സ്പ്രസ് ട്രെയിനുകൾ പ്രഖ്യാപിച്ച് സതേൺ റെയിൽവേ. എസ്എംവിടി ബെംഗളൂരു സ്റ്റേഷനിൽ നിന്നാണ് മംഗളൂരു സ്പെഷ്യൽ ട്രെയിൻ എത്തുക. ഇരുദിശകളിലേക്കും ഓരോ സർവീസാണ് ക്രമീകരിച്ചിരിക്കുന്നത്. ബെംഗളൂരുവിൽ നിന്നുള്ള സർവീസ് നാളെയാണ് പുറപ്പെടുന്നത്. മടക്കയാത്ര ഏപ്രിൽ 20 ഞായറാഴ്ചയാണ്. ട്രെയിൻ സമയവും സ്റ്റോപ്പുകളും അറിയാം. 06579 ബെംഗളൂരു – മംഗളൂരു സ്പെഷ്യൽ ട്രെയിൻ ഏപ്രിൽ 17 വ്യാഴാഴ്ച രാത്രി 11:55നാണ് ബെംഗളൂരുവിൽ നിന്ന് പുറപ്പെടുക. തുടർന്ന് വെള്ളിയാഴ്ച വൈകീട്ട് 04:00ന് മംഗളൂരുവിൽ എത്തിച്ചേരും. കേരളത്തിൽ 10 സ്റ്റോപ്പുകളാണ് സ്പെഷ്യൽ ട്രെയിനിനുള്ളത്. വെള്ളിയാഴ്ച രാവിലെ 09:32ന് പാലക്കാട് ജങ്ഷനിലെത്തുന്ന ട്രെയിൻ 10:20 ഷൊർണൂർ, 11:08 തിരൂർ, 11:50 കോഴിക്കോട്, 12:33 വടകര, 12:53 തലശേരി, 01:22 കണ്ണൂർ, 01:54 പയ്യന്നൂർ, 02:23 കാഞ്ഞങ്ങാട്, 02:43 കാസർകോട് 04:00 മണിയ്ക്ക് മംഗളൂരു ജങ്ഷനിലെത്തും. മംഗളൂരുവിൽ നിന്നുള്ള മടക്കയാത്ര 06580 ഏപ്രിൽ 20 ഞായറാഴ്ച ഉച്ചയ്ക്ക് 02:10നാണ് പുറപ്പെടുക. തുടർന്ന് തിങ്കളാഴ്ച രാവിലെ 07:30 ന് ബെംഗളൂരുവിലെത്തും. കാസർകോട് 02:29, കാഞ്ഞങ്ങാട് 03:08, പയ്യന്നൂർ 03:36, കണ്ണൂർ 04:10, തലശേരി 04:33, വടകര 04:55, കോഴിക്കോട് 05:32, തിരൂർ 06:15, ഷൊർണൂർ ജങ്ഷൻ 07:20, പാലക്കാട് ജങ്ഷൻ 08:35 എന്നിങ്ങനെയാണ് കേരളത്തിലെ വിവിധ സ്റ്റേഷനുകളിൽ എത്തുന്ന സമയം. കണ്ണൂരിൽ നിന്ന് ബെംഗളൂരുവിലേക്ക് സ്പെഷ്യൽ ട്രെയിൻ സ്ലീപ്പർ ക്ലാസിന് 485 രൂപയാണ് ടിക്കറ്റ് നിരക്ക്. 3 എ ക്ലാസിന് 1315 രൂപയും, 2 എ ക്ലാസിന് 1875 രൂപയും 1 എ ക്ലാസിന് 2860 രൂപയുമാണ് നൽകേണ്ടത്. കോഴിക്കോട് നിന്ന് ഇത് യഥാക്രമം 435, 1195, 1700, 2625 എന്നിങ്ങനെയാണ് ടിക്കറ്റ്...