“അവൻ ഉയിർത്തെഴുന്നേറ്റു!” – വലിയ ആഴ്ചയുടെ തുടക്കത്തിൽ അമേരിക്കൻ പ്രസിഡന്റ് പോസ്റ്റ് ചെയ്ത ഈസ്റ്റർ സന്ദേശം
ഈസ്റ്ററിനു മുൻപുള്ള വലിയ ആഴ്ചയുടെ പ്രാധാന്യം അംഗീകരിച്ചുകൊണ്ട് ഓശാന ഞായറാഴ്ച രണ്ട് സന്ദേശങ്ങൾ നൽകി യു എസ് പ്രസിഡന്റ് ഡൊണാൾഡ് ട്രംപ്. സോഷ്യൽ മീഡിയ പ്ലാറ്റ്‌ഫോമായ ട്രൂത്ത് സോഷ്യൽ എന്നതിലെ ഒരു പോസ്റ്റിലും വൈറ്റ് ഹൗസിൽ നിന്നുള്ള ഒരു പ്രസിഡൻഷ്യൽ പ്രസംഗത്തിലും ട്രംപ് ക്രിസ്ത്യാനികൾക്ക് ‘ഈസ്റ്റർ’ ആശംസിക്കുകയും ക്രിസ്ത്യാനികൾക്കും രാഷ്ട്രത്തിനും അവധി ദിനത്തിന്റെ പ്രാധാന്യത്തെക്കുറിച്ച് ചർച്ച ചെയ്യുകയും ചെയ്തു. “ദൈവത്തിന്റെ ഏകജാതനായ പുത്രനും നമ്മുടെ കർത്താവും രക്ഷകനുമായ യേശുക്രിസ്തുവിന്റെ കുരിശുമരണത്തെ ലോകമെമ്പാടുമുള്ള ക്രിസ്ത്യാനികൾ അനുസ്മരിക്കുന്നു. ഈസ്റ്റർ ഞായറാഴ്ച നാം അവന്റെ മഹത്തായ പുനരുത്ഥാനത്തെ ആഘോഷിക്കുകയും ഏകദേശം രണ്ടായിരം വർഷമായി ക്രിസ്ത്യാനികൾ ചെയ്യുന്നതുപോലെ, ‘അവൻ ഉയിർത്തെഴുന്നേറ്റു’ എന്ന് പ്രഖ്യാപിക്കുകയും ചെയ്യുന്നു” – ഏപ്രിൽ 13 ന് ട്രൂത്ത് സോഷ്യൽ എന്ന ചാനലിലെ ഒരു പോസ്റ്റിൽ ട്രംപ് പറഞ്ഞു. “കുരിശിലെ യേശുവിന്റെ വേദനയിലൂടെയും ത്യാഗത്തിലൂടെയും എല്ലാ മനുഷ്യരാശിയോടുമുള്ള ദൈവത്തിന്റെ അതിരറ്റ സ്നേഹവും ഭക്തിയും ഞങ്ങൾ കണ്ടു. അവന്റെ പുനരുത്ഥാനത്തിന്റെ ആ നിമിഷത്തിൽ, നിത്യജീവന്റെ വാഗ്ദാനത്താൽ ചരിത്രം എന്നെന്നേക്കുമായി മാറ്റിമറിക്കപ്പെട്ടു” – യു എസ് പ്രസിഡന്റ് പോസ്റ്റിൽ പറഞ്ഞു. ട്രംപ്, തന്റെ സഹക്രിസ്ത്യാനികൾക്ക് സന്തോഷകരവും അനുഗ്രഹീതവുമായ ഒരു അവധിക്കാലം ആശംസിക്കുകയും അമേരിക്കയെ ‘വിശ്വാസികളുടെ ഒരു രാഷ്ട്രം’ എന്ന് വിളിക്കുകയും ചെയ്തു. “ഞങ്ങൾക്ക് ദൈവത്തെ വേണം, ഞങ്ങൾക്ക് ദൈവത്തെ വേണം, നിങ്ങളുടെ സഹായത്തോടെ, നമ്മുടെ രാഷ്ട്രത്തെ മുമ്പെന്നത്തെക്കാളും ശക്തവും സുരക്ഷിതവും വലുതും സമ്പന്നവും ഐക്യവുമുള്ളതാക്കും” എന്നും അദ്ദേഹം...
Read More
