സ്വകാര്യ വാർത്ത ചാനലിൽ നടത്തിയ മുസ്ലീം വിദ്വേഷ പരാമർശ കേസിൽ ബിജെപി നേതാവ് പി.സി. ജോർജിന് മുൻകൂർ ജാമ്യം.
കോട്ടയം സെഷൻസ് കോടതിയാണ് മുൻകൂർ ജാമ്യം അനുവദിച്ച് ഉത്തരവിറക്കിയത്. വാർത്ത ചാനലിൻ്റെ പ്രെെം ടെെം ഡിബെെറ്റിൽ നടത്തിയ വിദ്വേഷ പരാമർശത്തിൽ പി.സി. ജോർജിനെതിരെ ഈരാറ്റുപേട്ട പോലീസ് കേസെടുത്തിരുന്നു.
മതസ്പർധ വളർത്തൽ, കലാപാഹ്വാനം തുടങ്ങിയ വകുപ്പുകളാണ് ചുമത്തിയിരിക്കുന്നത്.
യൂത്ത് ലീഗ് ഈരാറ്റുപേട്ട മണ്ഡലം കമ്മിറ്റിയാണ് പരാതി നൽകിയത്.
ജനുവരി ആറിനാണ് പി സി ജോർജ് കേസിനാസ്പദമായ മുസ്ലിം വിരുദ്ധ പരാമർശങ്ങൾ നടത്തിയെന്ന പരാതിയിൽ കേസെടുത്തത്.
