ദുബായ്: ബുര്ജ് ഖലീഫയിലെ പുതുവത്സര വെടിക്കെട്ടിന്റെയും ആഘോഷങ്ങളുടെയും കാഴ്ചകള് തൊടടുത്തിരുന്ന് കാണാന് അവസരം. കഴിഞ്ഞ വര്ഷത്തെ പോലെ തൊട്ടടുത്ത സീറ്റിംഗ് സൗകര്യങ്ങള്ക്ക് ടിക്കറ്റ് ഈടാക്കാനാണ് അധികൃതരുടെ തീരുമാനം. മുതിര്ന്നവര്ക്ക് 580 ദിര്ഹത്തിലും 5 വയസ്സിന് മുകളിലുള്ള കുട്ടികള്ക്ക് 370 ദിര്ഹത്തിലുമാണ് ടിക്കറ്റ് നിരക്ക് ആരംഭിക്കുന്നത്.
കഴിഞ്ഞ വര്ഷം മുതലാണ് ബുര്ജ് ഖലീഫ പുതുവത്സര രാവ് ആഘോഷപരിപാടികള്ക്ക് സംഘാടകര് പണമടച്ചുള്ള ടിക്കറ്റുകള് അവതരിപ്പിച്ചത്. മുതിര്ന്നവര്ക്ക് 300 ദിര്ഹവും കുട്ടികള്ക്ക് 150 ദിര്ഹവുമായിരുന്നു കഴിഞ്ഞ വര്ഷത്തെ ടിക്കറ്റ് നിരക്ക്. അന്ന് ടിക്കറ്റുകള് ചൂടപ്പം പോലെ വിറ്റഴിഞ്ഞിരുന്നു.
ബുര്ജ് പാര്ക്ക് പ്രവേശനം ടിക്കറ്റ് മൂലം നിയന്ത്രിക്കപ്പെട്ടിട്ടുണ്ടെങ്കിലും ബുര്ജ് ഖലീഫ് സ്ഥിതി ചെയ്യുന്ന ഡൗണ്ടൗണ് ദുബായിലെ മറ്റ് കാഴ്ചാ സ്ഥലങ്ങള് സൗജന്യവും പൊതുജനങ്ങള്ക്കായി തുറന്നിരിക്കുന്നതുമായിരിക്കുമെന്നും ഇമാര് പറഞ്ഞു. ‘തത്സമയ വിനോദം, കുട്ടികളുടെ ശില്പശാലകള്, ഭക്ഷണ-പാനീയ ഓപ്ഷനുകള്, കുടുംബങ്ങള്ക്കും സുഹൃത്തുക്കള്ക്കും ഒപ്പം 2025-ന്റെ വരവ് ആഘോഷിക്കാനുള്ള മികച്ച അന്തരീക്ഷം എന്നിവയോടൊപ്പം ഈ വര്ഷത്തെ ഇവന്റ് കൂടുതല് മനോഹരവും അവിസ്മരണീയവുമായ അനുഭവം വാഗ്ദാനം ചെയ്യുമെന്നും അധികൃതര് അറിയിച്ചു.
ബുര്ജ് ഖലീഫ ലൈറ്റ്, സംഗീതം, കരിമരുന്ന് പ്രദര്ശനം എന്നിവ ആസ്വദിക്കാന് ആഗ്രഹിക്കുന്ന അതിഥികള്ക്ക് ഏറ്റവും അനുയോജ്യമായ സ്ഥലം എന്ന നിലയ്ക്കാണ് ബുര്ജ് പാര്ക്കിലേക്കുള്ള പ്രവേശനം ടിക്കറ്റ് മൂലം നിയന്ത്രിച്ചിരിക്കുന്നത്. അതിഥികള്ക്ക് സാധാരണ പുതുവത്സരരാവിലെ തിരക്കില് നിന്ന് മുക്തമായ ഒരു അനുഭവം ഇവിടെ ഉറപ്പാക്കാന് കഴിയും. ബുര്ജ് പാര്ക്ക് ഈ ടിക്കറ്റ് അനുഭവം പ്രദാനം ചെയ്യുമ്പോള്, ഡൗണ്ടൗണ് ദുബായിലെ ബാക്കിയുള്ള പൊതു കാഴ്ച സ്ഥലങ്ങളിലെ പ്രവേശനം പൊതുജനങ്ങള്ക്ക് സൗജന്യമായിരിക്കുമെന്നും അധികൃതര് വ്യക്തമാക്കി.