കോഴിക്കോട് അരയിടത്ത് പാലത്തിന് സമീപം സ്വകാര്യ ബസ് നിയന്ത്രം വിട്ട് മറിഞ്ഞ് 20 ഓളം പേർക്ക് പരിക്കേറ്റു. 7 പേരുടെ നില ഗുരുതരമാണ്.
കോഴിക്കോട് മുക്കം റൂട്ടിൽ സർവീസ് നടത്തുന്ന ബസാണ് അപകടത്തിൽ പെട്ടത്. പുതിയ ബസ് സ്റ്റാൻഡിൽ നിന്നും മുക്കത്തേക്ക് പോകുന്ന ബസ് അരയിടത് പാലം ഫ്ളൈ ഓവറിനടുത്ത് വെച്ച് മറ്റൊരു വാഹനത്തെ മറികടക്കുന്നതിന് ഇടയിലാണ് അപകടം ഉണ്ടായത്.പൊലിസും ഫയർ ഫോഴ്സും ചേർന്ന് പരിക്ക് പറ്റിയവരെ തൊട്ടടുത്തുള്ള സ്വകാര്യ ആശുപത്രി യിലേക്കും മെഡിക്കൽ കോളേജിലേക്കും മാറ്റി .അപകടത്തെ തുടർന്ന് കോഴിക്കോട് നഗരത്തിൽ മണിക്കൂറുകളോളം ഗതാഗത തടസ്സം ഉണ്ടായി.
