പാലക്കാട് നടക്കാനിരിക്കുന്ന ഉപതിരഞ്ഞെടുപ്പില് രാഹുല് മാങ്കൂട്ടത്തിലിനെ സ്ഥാനാര്ത്ഥിയായി പ്രഖ്യാപിച്ചതിന് പിന്നാലെ വിമര്ശനം ഉന്നയിച്ച് രംഗത്തെത്തിയ കോണ്ഗ്രസ് ഡിജിറ്റല് മീഡിയ കണ്വീനര് പി സരിന് സിപിഎമ്മിലേക്കെന്ന് റിപ്പോര്ട്ടുകള്. യൂത്ത് കോണ്ഗ്രസ് സംസ്ഥാന അധ്യക്ഷന് രാഹുല് പരാജയപ്പെട്ടാല് അത് രാഹുല് ഗാന്ധിയുടെ പരാജയമാകുമെന്നാണ് വിമര്ശിച്ചത്.
പി സരിനെതിരെ പ്രതിപക്ഷ നേതാവ് വിഡി സതീശനും കെപിസിസി അധ്യക്ഷന് കെ സുധാകരനും രംഗത്തെത്തിയിരുന്നു. എന്നാല് സരിന് പിന്തുണ നല്കാനാണ് സിപിഎം പാലക്കാട് ജില്ലാ സെക്രട്ടേറിയറ്റിന്റെ തീരുമാനം. സരിനെ പാലക്കാട് സ്ഥാനാര്ത്ഥിയാക്കുന്നത് സിപിഎമ്മിന് ഗുണം ചെയ്യുമെന്നും സെക്രട്ടേറിയറ്റ് യോഗം വിലയിരുത്തി.