റായ്പൂർ: ഛത്തീസ്ഗഡിലെ ബസ്തറിൽ സുരക്ഷാസേനയുമായുണ്ടായ ഏറ്റുമുട്ടലിൽ അഞ്ച് മാവോയിസ്റ്റുകൾ കൊല്ലപ്പെട്ടു.രണ്ട് ജവാന്മാർക്ക് പരിക്കേറ്റു. മാവോയിസ്റ്റുകളിൽ നിന്ന് ആയുധങ്ങളും കണ്ടെടുത്തു.
നാരായൺപൂർ-കങ്കർ ജില്ലകളുടെ അതിർത്തിയിലുള്ള വനമേഖലയിൽ ശനിയാഴ്ച പുലർച്ചെയാണ് വെടിവെപ്പുണ്ടായത്. രാവിലെ ഇവിടെ സുരക്ഷാസേന തിരച്ചിൽ നടത്തിയിരുന്നു.
ബിഎസ്എഫും ജില്ലാ റിസർവ് ഗാർഡും പ്രത്യേക ദൗത്യസേനയും ചേർന്നാണ് തിരച്ചിൽ നടത്തിയത്. പരിക്കേറ്റ ജവാന്മാരെ ഹെലികോപ്റ്ററിൽ റായ്പൂരിലെ ആശുപത്രിയിൽ പ്രവേശിപ്പിച്ചു.
