കർണാടകയിലെ അർക്കാവതി നദിയിൽ കണ്ടെത്തിയ വിഷ പദാർത്ഥങ്ങളുടെ സാന്നിദ്ധ്യത്തിൽ കേന്ദ്രത്തോട് വിശദീകരണം തേടി ദേശീയ ഹരിത ട്രൈബ്യൂണൽ (എൻജിടി) .ഘനലോഹങ്ങളുടെയും വിഷ പദാർത്ഥങ്ങളുടെയും അപകടകരമായ അളവിലാണ് കേന്ദ്ര മലിനീകരണ നിയന്ത്രണ ബോർഡിനോട് (സിപിസിബി) പ്രതികരണം ആവശ്യപ്പെട്ടിരിക്കുന്നത്..
കാവേരി നദിയുടെ പ്രധാന പോഷകനദിയായ അർക്കാവതി, നന്ദി ഹിൽസിനടുത്താണ് ഉത്ഭവിക്കുന്നത്, ഈ പ്രദേശത്തെ കൃഷിക്കും പൂന്തോട്ടപരിപാലനത്തിനും നിർണായകമാണ്.
മെർക്കുറി, നിരോധിത കീടനാശിനി DDT, കാൻസറിന് കാരണമാകുന്ന പോളിസൈക്ലിക് ആരോമാറ്റിക് ഹൈഡ്രോകാർബണുകൾ (PAH), നദിയിലെ ഫ്ലൂറൈഡ് മലിനീകരണം എന്നിവയെക്കുറിച്ചുള്ള വാർത്താ റിപ്പോർട്ട് എൻജിടി സ്വമേധയാ (സ്വന്തമായി) ശ്രദ്ധിച്ചു.
