ഹമാസ് കമാന്‍ഡര്‍ അബ്ദുല്‍ ഹാദി സബാഹിനെ തങ്ങളുടെ സൈന്യം വധിച്ചതായി ഇസ്രായേല്‍ പ്രതിരോധ സേന (ഐഡിഎഫ്) അറിയിച്ചു. 2023 ഒക്ടോബര്‍ 7-ന് നടന്ന ഭീകരാക്രമണത്തിനിടെ യഹൂദ സെറ്റില്‍മെന്റിന് നേരെയുള്ള ആക്രമണത്തിന് നേതൃത്വം നല്‍കിയ ഹമാസ് കമാന്‍ഡറാണ് സബാഹി.
ഖാന്‍ യൂനിസിലെ ഹമാസിന്റെ എലൈറ്റ് നുഖ്ബ സേനയുടെ കമാന്‍ഡര്‍ അടുത്തിടെ ഡ്രോണ്‍ ആക്രമണത്തില്‍ കൊല്ലപ്പെട്ടതായി ഇസ്രായേല്‍ സൈന്യവും ഷിന്‍ ബെറ്റും പറഞ്ഞു. ഇസ്രയേലിലെ കിബ്ബട്‌സ് നിര്‍ ഓസില്‍ നടന്ന ഭീകരാക്രമണത്തിന് നേതൃത്വം നല്‍കിയത് ഇയാളാണ് സൈന്യം അറിയിച്ചു.
‘അബ്ദ് അല്‍-ഹാദി സബാഹ് – ഖാന്‍ യൂനിസിലെ ഹ്യുമാനിറ്റേറിയന്‍ ഏരിയയിലെ ഒരു അഭയകേന്ദ്രത്തില്‍ നിന്ന് പ്രവര്‍ത്തിച്ചു – ഒക്ടോബര്‍ 7-ലെ കൊലപാതകത്തിനിടെ കിബ്ബത്ത്‌സ് നിര്‍ ഓസിലേക്കുള്ള നുഴഞ്ഞുകയറ്റത്തിന്റെ നേതാക്കളില്‍ ഒരാളായിരുന്നു. സബാഹ് നിലവിലെ യുദ്ധത്തിലുടനീളം ഐഡിഎഫ് സൈനികര്‍ക്കെതിരെ നിരവധി ഭീകരാക്രമണങ്ങള്‍ക്ക് നേതൃത്വം നല്‍കി.,” ഐഡിഎഫ് ട്വീറ്റ് ചെയ്തു.
