പുരുഷന്മാരിൽ ഷൺഡത്വം അല്ലെങ്കിൽ ലെെംഗികമായ ബലഹീനതകൾ ഉണ്ടാക്കുന്ന മരുന്ന് പഴനി ക്ഷേത്രത്തിലെ പഞ്ചാമൃതത്തിൽ കലർത്തിയെന്ന ആരോപിച്ചതിന് പ്രശസ്ത തമിഴ് സംവിധായകൻ മോഹൻ ജി അറസ്റ്റിൽ. തിരുപ്പതി ലഡ്ഡു തയ്യാറാക്കാൻ ഉപയോഗിക്കുന്ന നെയ്യിൽ മൃഗക്കൊഴുപ്പുണ്ടെന്ന വിവാദത്തെ കുറിച്ച് സംസാരിക്കവെയാണ് മോഹൻ ജി ഒരു യൂട്യൂബ് ചാനലിന് നൽകിയ അഭിമുഖത്തിൽ ഇക്കാര്യം പറഞ്ഞത്.
ദ്രൗപതി, രുദ്രതാണ്ഡവം, ബഗാസുരൻ തുടങ്ങിയ ചിത്രങ്ങളിലൂടെ ശ്രദ്ധേയനായ മോഹൻ ജിയെ ചൊവ്വാഴ്ചയാണ് ട്രിച്ചി പോലീസിൻ്റെ സൈബർ ക്രൈം വിഭാഗം അറസ്റ്റ് ചെയ്തത്.
അഭിമുഖത്തിനിടെ തിരുപ്പതി ലഡ്ഡു വിവാദത്തെക്കുറിച്ച് സംസാരിക്കവെ, തമിഴ്‌നാട്ടിലും സമാനമായ സംഭവങ്ങൾ ഉണ്ടായിട്ടുണ്ടെന്ന് മോഹൻ ജി പറഞ്ഞു.
