ടാമ്പ: കേരള ഹിന്ദൂസ് ഓഫ് നോർത്ത് അമേരിക്കയുടെ റീജിയണൽ കൺവൻഷനും ശുഭാരംഭവും ഫെബ്രുവരി 22ന് രാവിലെ 11 മുതൽ ഫ്ലോറിഡ ടാമ്പയിലെ സീറോമലബാർ ഹാളിൽ വച്ച് നടക്കും.
ഫ്ലോറിഡയിലും അറ്റ്ലാന്‍റയിലുമുള്ള എല്ലാ സംഘടനകളുടെയും സഹകരണത്തോടു കൂടിയുള്ള അതിവിപുലമായ പരിപാടികളാണ് ആസൂത്രണം ചെയ്തുകൊണ്ടിരിക്കുന്നത്.
കലാപരിപാടികളിൽ ഫ്ലോറിഡയിൽ നിന്നുള്ള 150 പരം കലാകാരന്മാരാണ് പങ്കെടുക്കുന്നത്. പുരാണങ്ങളെ അടിസ്ഥാനമാക്കിയുള്ള നൃത്താവിഷ്കരണങ്ങളും കുട്ടികൾക്ക് വേണ്ടിയുള്ള ഡിബേറ്റുകളും എടുത്തുപറയേണ്ട പരിപാടികളാണ്.
2014ലാണ് ഫ്ലോറിഡയിലെ ആദ്യത്തെ റീജിയണൽ കൺവൻഷൻ ടാമ്പയിൽ സംഘടിപ്പിക്കുന്നത്, അതിനു ശേഷം ഇപ്പോളാണ് വീണ്ടും ടാമ്പയിലേക്ക് മറ്റൊരു റീജിയണൽ കൺവൻഷൻ നടക്കുന്നത്.
പരിപാടിയിലേക്കുള്ള പ്രവേശനം പൂർണമായും സൗജന്യമാണ്. എല്ലാവരും ഫാമിലിയായി പങ്കെടുക്കണമെന്ന് ഭാരവാഹികൾ അറിയിച്ചു. എല്ലാവരും പരസ്പരം പരിചയപ്പെടുവാനുള്ള അവസരങ്ങൾ പരിപാടിയിൽ ഉൾപ്പെടുത്തുന്നതാണ്.
കലാപരിപാടികൾ നടത്തുവാൻ ആഗ്രഹിക്കുന്നവർ നോട്ടീസിൽ കാണുന്ന ഭാരവാഹികളെ ഈ മാസം 31ന് മുൻപായി അറിയിക്കുക. അഞ്ചിൽ കുറയാത്ത ആളുകളുള്ള ഗ്രൂപ്പ് പരിപാടി മാത്രമേ അന്നത്തെ ദിവസം അനുവദിക്കുന്നുള്ളൂ.
കെഎച്ച്എൻഎ ഫ്ലോറിഡ സ്റ്റേറ്റ് കൺവീനർസ് സുനിത മേനോൻ, വിനോദ് നായർ എന്നിവരാണ്. റീജിയണൽ വൈസ് പ്രസിഡന്‍റുമാരായി ദീപക് സുകുമാരൻ, സുരേഷ് പള്ളിക്കുത്ത് ഗോപൻ നായർ, സ്മിത നോബിൾ തുടങ്ങിയവർ പ്രവർത്തിക്കുന്നു.
വേദി: 5501 Williams Rd, Seffner (Tampa), FL 33584.
