റീ എഡിറ്റ് ചെയ്ത എമ്പുരാന്‍ ഇന്ന് തിയേറ്ററുകളില്‍. ആദ്യ ഭാഗങ്ങളിലെ മൂന്ന് മിനിറ്റ് രംഗം വെട്ടി മാറ്റിയാണ് ചിത്രം പ്രദര്‍ശനത്തിനെത്തുന്നത്. ഗര്‍ഭിണിയെ ബലാത്സംഗം ചെയ്യുന്ന രംഗവും ചില സ്ഥലത്തിന്റെ പേരും അന്വേഷണ ഏജന്‍സികളുടെ ബോര്‍ഡും വെട്ടി മാറ്റി. വിവാദമായ വില്ലന്റെ ബാബ ബജ്രംഗി എന്ന പേരും മാറ്റി. ആസ്വാദനത്തെ പ്രതികൂലമായി ബാധിക്കില്ലെന്ന വിലയിരുത്തലിലാണ് അണിയറ പ്രവര്‍ത്തകര്‍.
റീ എഡിറ്റ് ഒറ്റകെട്ടായി എടുത്ത തീരുമാനമെന്ന് മോഹന്‍ലാല്‍ പറയുമ്പോഴും തിരക്കഥാകൃത്ത് മുരളി ഗോപി ഇതുവരെ പ്രതികരിച്ചിട്ടില്ല. സെൻസർ ബോർഡുകൾ ഭരിക്കുന്ന പാർട്ടുക്കുവേണ്ടി പ്രവർത്തിക്കുന്നവയാണെന്നും ഇവയ്ക്കെതിരാണ് തൻ്റെ നിലപാടെന്നും മുരളി ഗോപി നേരത്തെ വ്യക്തമാക്കിയത് ഏറ്റെടുക്കുകയാണ് ഇപ്പോൾ സോഷ്യൽ മീഡിയ.
എന്നാൽ വിവാദങ്ങൾക്കിടയിലും ചരിത്രം സൃഷ്ടിക്കുകയാണ് ചിത്രം. ബോക്സ് ഓഫീസിൽ വെറും അഞ്ച് അഞ്ച് ദിവസത്തിനുള്ളിൽ 200 കോടി രൂപ നേടിയിരിക്കുകയാണ് ചിത്രം.
