ന്യൂയോർക്ക്: ഫൊക്കാന കൺവൻഷനോട് അനുബന്ധിച്ച് നടന്ന തെരഞ്ഞെടുപ്പിൽ അഡീഷണൽ ജോയിന്റ് ട്രഷററായി വിജയിപ്പിച്ചവർക്ക് നന്ദി പറഞ്ഞ് മില്ലി ഫിലിപ്പ്.
നിരവധി സ്ഥാനമാനങ്ങൾ വഹിക്കുകയും ചാരിറ്റി പദ്ധതികളുടെ പൂർത്തീകരണത്തിലൂടെ വിജയഗാഥകൾ രചിക്കുകയും ചെയ്തിട്ടുള്ള തനിക്ക് ഒരു തെരഞ്ഞെടുപ്പിനെ അഭിമുഖീകരിക്കേണ്ടി വന്നത് ഇതാദ്യമാണ്.
ഈ സ്ഥാനത്തേക്ക് മത്സരിച്ച് വിജയിക്കുക എന്നത് അത്ര നിസാരമായ കാര്യമല്ല എന്ന തിരിച്ചറിവോടെയായിരുന്നു അങ്കത്തിന് തയാറായത്. എല്ലാവിധ ധൈര്യവും ശക്തിയും തന്ന് ഒരു സ്ഥാനാർഥിയാകുവാൻ പ്രാപ്തയാക്കിയത് താൻ പ്രതിനിധാനം ചെയ്യുന്ന മലയാളി അസോസിയേഷൻ ഓഫ് ഗ്രെയ്റ്റർ ഫിലാഡൽഫിയ എന്ന സംഘടനയാണെന്നും മിനി ഫിലിപ്പ് പറഞ്ഞു.
ഫൊക്കാന എന്ന പ്രസ്ഥാനത്തെ കൂടുതൽ ഉന്നതിയിൽ എത്തിക്കുവാൻ പ്രാപ്തനായ ദീർഘവീക്ഷണമുള്ള ഡോ. സജിമോൻ ആന്റണി നേതൃത്വം നൽകിയ ഡ്രീം ടീമിനൊപ്പം ഭാഗവാക്കാകുകയും വിജയി ആവുകയും ചെയ്തത് തന്റെ പൊതുപ്രവർത്തന രംഗത്തെ മഹാഭാഗ്യമായി കരുതുന്നു.
അതിന് വഴിയൊരുക്കിയ ഫൊക്കാന പ്രവർത്തകർക്കും ഡെലിഗേറ്റുകൾക്കും മറ്റ് സഹപ്രവർത്തകർക്കും സുഹൃത്തുക്കൾക്കും നന്ദി പറയുന്നതായി അവർ കൂട്ടിച്ചേർത്തു.