സിമ്മിൽ സിഗ്നൽ നഷ്ടപ്പെടുന്നതും ഔട്ട് ഓഫ് റേഞ്ച് ആകുന്നതുമൊക്കെ സാധാരണമാണ്. എന്നാൽ ഇനി മുതൽ ഇത്തരം ബുദ്ധിമുട്ടുകൾ ഉണ്ടാകില്ല. ബിഎസ്എൻഎൽ, ജിയോ, എയർ‌ടെൽ ഉപയോക്താക്കൾക്ക് സ്വന്തം ഫോണിലെ സിഗ്നൽ നഷ്ടപ്പെട്ടാലും ലഭ്യമായ നെറ്റ്‌വർക്കിൽ നിന്ന് കോൾ ചെയ്യാൻ സാധിക്കും. കേന്ദ്രം ഇൻട്രാ സർക്കിൾ റോമിംഗ് (ICR) സൗകര്യം ഡിജിറ്റൽ ഭാരത് നിധി (DBN) ധനസഹായം നൽകുന്ന 4G മൊബൈൽ സൈറ്റുകൾ പ്രദർശിപ്പിക്കുന്ന പരിപാടിയിൽ അവതരിപ്പിച്ചു.
ഏത് നെറ്റ്‌വർക്കിൽ ഉപയോഗിക്കുന്ന ഉപയോക്താവിന് ഒരൊറ്റ DBN-ഫണ്ട് ടവർ വഴി 4G സേവനങ്ങൾ ആക്‌സസ് ചെയ്യാൻ കഴിയും. സ്വന്തം സിമ്മിൽ റേഞ്ചില്ലെങ്കിലും തടസമില്ലാത്ത ഇൻ്റർനെറ്റും സേവനങ്ങളും ആസ്വദിക്കാം. വ്യത്യസ്ത നെറ്റ്‌വർക്കിൽ നിന്നുള്ളവർക്കും ഒരേ ടവറിൽ നിന്ന് 4ജി കണക്റ്റിവിറ്റി ആസ്വദിക്കാം. മൊബൈൽ ടവറുകളുടെ എണ്ണം കുറയ്‌ക്കുന്നതിനും കണക്റ്റിവിറ്റി പ്രശ്നങ്ങൾ പരിഹരിക്കാനും ഇത് വഴി സഹായിക്കും. ഏകദേശം 27,000 ടവറുകൾ ഉപയോഗിച്ച് 35,400-ലധികം ഗ്രാമീണ, വിദൂര മേഖലകളിൽ 4ജി കണക്റ്റിവിറ്റി എത്തിക്കാനാണ് ലക്ഷ്യമിടുന്നത്.
