റെക്കോർഡ് വിൽപ്പനയുമായി കേരള സർക്കാരിൻ്റെ ക്രിസ്തുമസ് – നവവത്സര ബമ്പർ. നറുക്കെടുപ്പിന് 13 ദിവസം മാത്രം ബാക്കി നിൽക്കെ ചൂടപ്പം പോലെയാണ് ടിക്കറ്റുകൾ വിറ്റുതീരുന്നത്.
400 രൂപ വിലയുള്ള ഈ ഭാഗ്യക്കുറിയുടെ ഒന്നാം സമ്മാനം 20 കോടി രൂപയാണ്.
വിതരണത്തിന് നൽകിയ 40 ലക്ഷം ടിക്കറ്റുകളിൽ 33,78,990 ടിക്കറ്റുകൾ വിറ്റ് തീർന്നു.
കഴിഞ്ഞ വർഷത്തെ ക്രിസ്തുമസ് – നവവത്സര ബമ്പർ ടിക്കറ്റ് വിൽപ്പനയുമായി താരതമ്യം ചെയ്ത് നോക്കുമ്പോൾ 11 ലക്ഷത്തോളം ടിക്കറ്റുകൾ അധികം വിറ്റ് പോയിട്ടുള്ളത്.
ടിക്കറ്റ് വിൽപ്പനയിൽ ഏറ്റവും ഹിറ്റായിരിക്കുന്നത് പാലക്കാട് ജില്ലയിലാണ്. 695650 ടിക്കറ്റുകൾ വിറ്റഴിച്ചാണ് പാലക്കാട് ജില്ല ഒന്നാം സ്ഥാനത്ത് എത്തിയത്.
3,92,290 ടിക്കറ്റുകൾ വിറ്റ തിരുവനന്തപുരം ജില്ല രണ്ടാം സ്ഥാനത്ത് എത്തി.
തൃശൂർ ജില്ലയാണ് വിൽപ്പനയിൽ മൂന്നാം സ്ഥാനത്ത്. 3,60,280 ടിക്കറ്റുകൾ വിറ്റു
ഒന്നാം സമ്മാനം 20 കോടി രൂപയാണ്. 20 പേർക്ക് ഒരു കോടി രൂപ വീതമാണ് രണ്ടാം സമ്മാനമായി നൽകും. മൂന്നാം സമ്മാനം 10 ലക്ഷം വീതം ഓരോ പരമ്പരയ്ക്കും 3 വീതം ആകെ 30 പേർക്കും നൽകും. നാലാം സമ്മാനമായി 3 ലക്ഷം വീതം ഓരോ പരമ്പരയ്ക്കും 2 വീതം 20 പേർക്കും അഞ്ചാം സമ്മാനം 2 ലക്ഷം രൂപ വീതം ഓരോ പരമ്പരയ്ക്കും രണ്ടു വീതം 20 പേർക്കും നൽകുന്നുണ്ട്.
ഫെബ്രുവരി 5-ാം തീയ്യതിയിലാണ് നറുക്കെടുപ്പ് നടക്കുന്നത്.
