അമേരിക്കയുടെ ചരിത്രത്തിലെ ഏറ്റവും ഭീകരമായ 9/11 ആക്രമണത്തെ ഓർമിപ്പിച്ച് റഷ്യയിലെ കസാൻ നഗരത്തിൽ ഞെട്ടിക്കുന്ന ഡ്രോൺ ആക്രമണം. സീരിയൽ ഡ്രോൺ (യുഎവി) ആണ് കസാൻ നഗരത്തിലെ മൂന്ന് കൂറ്റൻ ബഹുനില കെട്ടിടത്തിൽ ആക്രമണം നടത്തിയത്. ആക്രമണത്തിൽ വൻ നാശനഷ്ടം ഉണ്ടാകുമെന്നാണ് വിവരം. എന്നാൽ, തങ്ങൾ ഒരു ഡ്രോൺ നശിപ്പിച്ചതായി റഷ്യ അവകാശപ്പെട്ടു.
കസാനിലെ ബഹുനില കെട്ടിടങ്ങൾക്ക് നേരെ യുഎവി ആക്രമണം നടത്തിയതിൻ്റെ ചിത്രങ്ങളും വീഡിയോകളും സോഷ്യൽ മീഡിയയിൽ പ്രചരിക്കുന്നുണ്ട്. വിവിധ ദിശകളിൽ നിന്ന് വരുന്ന ഡ്രോണുകൾ (UAV) വായുവിൽ കെട്ടിടങ്ങളുമായി കൂട്ടിയിടിക്കുന്നത് വ്യക്തമായി കാണാം.
ഡ്രോൺ കെട്ടിടത്തിൽ പതിച്ചതിന് പിന്നാലെ വൻ സ്ഫോടനം ഉണ്ടാകുന്നു. യുക്രൈനാണ് ആക്രമണത്തിന് പിന്നിലെന്ന് റഷ്യ ആരോപിച്ചു. ഡ്രോൺ ആക്രമണം നടത്തിയത് യുക്രൈൻ ആണെന്ന് റഷ്യൻ പ്രതിരോധ മന്ത്രാലയമാണ് ട്വീറ്റ് ചെയ്തത്.
