ഒട്ടാവ: കാനഡയില്‍ വാള്‍മാര്‍ട്ട് ജീവനക്കാരിയെ സ്റ്റോറിലെ വാക്ക്-ഇന്‍ ഓവനില്‍ മരിച്ച നിലയില്‍ കണ്ടെത്തി. സ്റ്റോറിന്റെ ബേക്കറി ഡിപ്പാര്‍ട്ട്മെന്റിലെ വാക്ക്-ഇന്‍ ഓവനില്‍ കണ്ടെത്തിയ 19 കാരിയുടെ മരണകാരണം വ്യക്തമായിട്ടില്ല. ഇതുസംബന്ധിച്ച് അന്വേഷണം നടത്തുകയാണെന്ന് അധികൃതര്‍ അറിയിച്ചു.
കനേഡിയന്‍ വാള്‍മാര്‍ട്ട് സ്റ്റോറിനുള്ളില്‍ ഒക്ടോബര്‍ 19-ന് നടന്ന സംഭവത്തെക്കുറിച്ച് ഹാലിഫാക്സ് പൊലീസ് ഡിപ്പാര്‍ട്ട്മെന്റ് ഒരു പ്രസ്താവന പുറത്തിറക്കി.
ഹാലിഫാക്‌സിലെ 6990 മംഫോര്‍ഡ് റോഡില്‍ സ്ഥിതി ചെയ്യുന്ന സ്റ്റോറിലേക്ക് രാവിലെ 9:30 ഓടെയാണ് ഉദ്യോഗസ്ഥരെ വിളിച്ചത്. വലിയ വാക്ക്-ഇന്‍ ഓവനില്‍ 19 കാരിയുടെ മൃതദേഹം കണ്ടെത്തിയെന്നായിരുന്നു ഉദ്യോഗസ്ഥരെ അറിയിച്ചത്. മരണകാരണമോ എങ്ങനെ സംഭവിച്ചെന്നോ സ്ഥിരീകരിക്കാന്‍ ഇതുവരെ സാധിച്ചിട്ടില്ലെന്ന് അധികൃതര്‍ പറഞ്ഞു.
